پاکستان اسٹاک ایکسچینج میں زبردست تیزی ، 100انڈیکس میں 448 پوائنٹس کااضافہ

پاکستان اور آئی ایم ایف کے درمیان سٹاف لیول معاہدے کے اثرات پاکستان اسٹاک ایکسچینج میں زبردست تیزی کی صورت میں دیکھنے میں آ رہے ہیں،100انڈیکس میں 448 پوائنٹس کااضافہ ہوا۔

دوران کاروبار انڈیکس 66ہزار 180 پوائنٹس پر ٹریڈ کرتے دیکھا گیا، اسٹاک مارکیٹ میں گزشتہ کاروباری دن مثبت رہا اور 100 انڈیکس میں 229 پوائنٹس کا اضافہ دیکھا گیا۔

گزشتہ روز کاروبار کے اختتام پر 100 انڈیکس 65 ہزار 731 پوائنٹس پر بند ہوا جبکہ انڈیکس 353 پوائنٹس کے بینڈ میں رہا، 100 انڈیکس کی بلند ترین سطح 65 ہزار 968 رہی۔

گزشتہ کاروباری دن کے دوران حصص بازار میں 34 کروڑ 18 لاکھ شیئرز کے سودے 11 ارب 84 کروڑ روپے میں طے ہوئے۔