پی سی بی نے 7 رکنی نئی سلیکشن کمیٹی تشکیل دے دی

چیئرمین پی سی بی نے 7 رکنی نئی سلیکشن کمیٹی تشکیل دے دی جس میں وہاب ریاض، محمد یوسف، عبدالرزاق اور اسد شفیق شامل ہیں۔ چیئرمین کا ٹیم کی سلیکشن میں کوئی کردار نہیں ہوگا۔

لاہور میں نیوز کانفرنس کرتے ہوئے چیئرمین پی سی بی محسن نقوی نے کہا کہ نئی سلیکشن کمیٹی کا کوئی بھی چیئرمین نہیں ہوگا، ٹیم کپتان اور ہیڈ کوچ بھی سلیکشن کمیٹی کے ممبر ہوں گے۔ چیئرمین کا ٹیم کی سلیکشن میں کوئی کردار نہیں ہوگا۔

Chairman PCB Mohsin Naqvi's press conference at Gaddafi Stadium, Lahore.

Watch Live ➡️ https://t.co/qqyiz5eboY pic.twitter.com/ljB3RnYI2L

— Pakistan Cricket (@TheRealPCB) March 24, 2024

چیئرمین پی سی بی نے کہا کہ سلیکشن کمیٹی کا 7واں رکن ڈیٹا اور اینالیٹکس کا اسپیشلسٹ ہوگا جبکہ 7 ارکان کے علاوہ 2 کوآرڈینیٹر بھی سلیکشن کمیٹی میں شامل ہوں گے لیکن ان کے پاس ووٹنگ کا اختیار نہیں ہوگا، ٹیم کا رزلٹ جو بھی ہوا ساتھ کھڑا ہوں گا۔

انہوں نے کہا کہ کوچز پر کام جاری ہے نام فائنل ہوں گے تو بتا دیں گے جبکہ کپتان بنانے کا جو بھی فیصلہ ہوگا سلیکشن کمیٹی کرے گی، ٹریننگ کیمپ ختم ہونے کے بعد شاہین شاہ آفریدی کی کپتانی پر فیصلہ ہوگا اور پی ایس ایل کے پرفارمرز کو کیمپ میں موقع دیں گے۔ انہوں نے کہا کہ حارث روف نے غلطی تسلیم کرلی ہے لہٰذا حارث روف کا سینٹرل کانٹریکٹ بحال کر دیا ہے۔

چیئرمین پی سی بی محسن نقوی نے کہا کہ کھلاڑیوں کے لیے پی ایس ایل کے علاوہ دو سے زیادہ لیگز کھیلنے کی پالیسی قائم رہے گی۔ انہوں نے بتایا کہ آئی سی سی کی ٹیم آج پاکستان ہہنچے گی جوکہ چیمپیئنز ٹرافی کی تیاریوں کا جائزہ لے گی۔