شانگلہ میں کار پر خود کش حملہ، چینی شہریوں سمیت 6 افراد جاں بحق

شانگلہ: خیبرپختونخوا کے ضلع شانگلہ کے علاقے بیشام میں حملہ آوروں نے بارود سے بھری گاڑی مسافر گاڑی سے ٹکرا دی جس کے نتیجے میں 5 چینی شہریوں سمیت 6 افراد ہلاک ہو گئے۔

ڈپٹی انسپکٹر جنرل (ڈی آئی جی) مالاکنڈ کے مطابق مسافر گاڑی اسلام آباد سے کوہستان جارہی تھی۔ خودکش حملے میں پانچ چینی شہریوں سمیت چھ افراد ہلاک ہو گئے۔

ڈی آئی جی مالاکنڈ کا کہنا تھا کہ حملہ آوروں نے بارود سے بھری کار کو چینی مسافروں کی کار سے ٹکرادی۔

چینی مسافر گاڑی کا ڈرائیور زخمی ہو گیا جسے ہسپتال منتقل کر دیا گیا ہے۔