غزہ میں ہلاکتیں،یو اے ای نے اسرائیل کے ساتھ سفارتی تعلقات منقطع کر دیئے

متحدہ عرب امارات نے اسرائیل کے ساتھ تمام سفارتی رابطے معطل کردیئے۔

امریکی حکومت نے سر توڑ کوششوں کے بعد یہ تعلقات قائم کرلئے تھے اور اگلے مرحلے میں سعودی عرب کی جانب سے اسرائیل کو تسلیم کرایا جانا تھا۔

اسرائیلی میڈیا کے مطابق متحدہ عرب امارات کی حکومت نے اسرائیل کے ساتھ تعلقات منقطع کردیئے ہیں۔

اماراتی وزارت خارجہ نے  اس واقعے پر اسرائیلی سفیر امیر ہائیک سے فون کال کرکے برہمی کا اظہار کیا۔ 

بعدازاں اسرائیلی وزارت خارجہ کے ڈائریکٹر جنرل نے اسرائیل میں متحدہ عرب امارات کے سفیر محمد محمود الخواجہ سے ملاقات کی، اماراتی سفیر محمد الخاجہ نے اپنے ایک  بیان میں کہا کہ امدادی کارکنوں کی ہلاکت سیاہ ترین دن ہے۔

اسرائیل اور یو اے ای کے درمیان تعلقات 2020 میں قائم ہوئے تھے۔

ادھر سعودی ولی عہد شہزادہ محمد بن سلمان اور اردن کے شاہ کا فون پر رابطہ ہوا ہے۔

دونوں رہنماؤں کے درمیان غزہ میں ہونے والی پیش رفت پر تبادلہ خیال کیا گیا اور اتفاق کیا گیا کہ مسئلہ فلسطین کا سیاسی حل تلاش کرنے کی ضرورت ہے۔

یاد رہے کہ 2 اپریل کو وسطی غزہ میں اسرائیلی فضائی حملے کے نتیجے میں غیر ملکی این جی او ورلڈ سینٹرل کچن (ڈبلیو سی کے) کے 7 امدادی کارکن ہلاک ہوگئے تھے جس کے بعد یورپی یونین نے  حملے کی تحقیقات کا مطالبہ کیا تھا۔