آئی ایم ایف کا پاکستان کے ساتھ نئے پروگرام پر بات کرنے کے لیے آمادگی کا ا ظہار

آئی ایم ایف نے پاکستان کی موجودہ حکومت کی جانب سے کی گئی اصلاحات پر اطمینان کا اظہار کرتے ہوئے نئے پروگرام پر بات چیت کرنے کے لیے آمادگی ظاہر کردی ہے۔

آئی ایم ایف کی کمیونیکیشن ڈائریکٹرجولی کوزیک نے یہ بھی کہا ہے کہ پاکستان کی اقتصادی اور مالیاتی صورتحال میں بہتری آئی ہے۔ 19مارچ کو آئی ایم ایف اور پاکستان کےدرمیان اسٹاف لیول معاہدہ ہوا، معاہدے کے تحت پاکستان کو کُل تین ارب ڈالرکی ادائیگی ہوگی

توقع ہے رواں ماہ کےآخر میں آئی ایم ایف ایگزیکٹو بورڈ میٹنگ ہوگی۔

کوزیک نے کہا کہ نئی حکومت کی معاشی اصلاحات سےمتعلق کوششوں کو سراہتے ہیں، پہلے جائزے کے بعد پاکستان کی اقتصادی اور مالیاتی صورتحال میں بہتری آئی ہے، پاکستان کےساتھ آئندہ مہینوں میں نئے پروگرام پر بات کرنے کو تیار ہیں۔

آئی ایم ایف کے ساتھ پاکستان کا موجودہ سٹینڈ بائی ارینجمنٹ اپریل میں ختم ہو رہا ہے جس کے بعد پاکستان آئی ایم ایف سے ایک طویل المدت معاہدے کی کوشش کر رہا ہے۔

نئے پروگرام کے تحت پاکستان آئی ایم ایف سے چھ ارب ڈالر حاصل کرنا چاہتا ہے۔

واضح رہے کہ وزیراعظم شہباز شریف نے خبردار کیا تھا کہ آئی ایم ایف کے نئے پروگرام کے لیے شرائط آسان نہیں ہوں گی۔  آئی ایم ایف سے اگلی قسط اسی ماہ مل جائے گی۔