جس میں بشریٰ انصاری نے سوشل میڈیا اسٹارز کو 'جاہل' قرار دیا تو وہیں جنت مرزا نے اداکارہ کو اماں جی کہ کر مخاطب کیا اور تنقید سے پہلے حقیقت جاننے کا مشورہ دیا۔

بعدازاں ایک ویڈیو بیان میں جنت مرزا نے پورے واقعہ بیان کیا جس کے مطابق انہیں پی آر پیکج کے طور پر ایک چین موصول ہوئی تھی جسے انہوں نے پہن کر ٹک ٹاک بنائی۔

جنت مرزا کے بقول انہیں سوشل میڈیا صارفین کے کمنٹس سے اندازہ ہوا کہ اس چین میں مسیحیوں کی مقدس علامت ' صلیب' ہے، جس پر انہوں نے سب سے معافی مانگی۔

واضح رہے کہ جنت مرزا نے مذکورہ چین اپنی پتلون پر لگائی ہوئی تھی جس کے خلاف مسیحی برادری کی جانب سے وفاقی تحقیقاتی ادارے (ایف آئی اے) کے سائبر کرائم ونگ میں درخواست دی گئی تھی۔

مذکورہ درخواست کی ایک تصویر پوسٹ کرتے ہوئے بشریٰ انصاری نے لکھا تھا کہ 'ان جاہل اسٹارز کو نہ اسلام کا پتا نہ کسی اور مذہب کا'

بعدازاں انہوں نے اپنی یہ پوسٹ ڈیلیٹ کردی لیکن اس کا اسکرین شاٹ سوشل میٖڈیا پر وائرل ہوگیا۔

بشریٰ انصاری کے اس کمنٹ پر نہ صرف جنت مرزا بلکہ ان کی بہن علیشبہ انجم نے بھی اداکارہ کو سخت تنقید کا نشانہ بنایا۔

جنت مرزا نے اپنی جوابی اسٹوری میں لکھا کہ 'برائے مہربانی کسی کو جاننے سے پہلے اس کے بارے میں رائے قائم نہ کریں اماں جی(آنٹی بشریٰ)'۔

جنت مرزا نے مزید کہا کہ 'میں آپ کی بہت عزت کرتی ہوں لیکن آپ کسی کو حقیقت جانے بغیر بدنام نہیں کرسکتیں،اسلام کی بات آپ کیسے کرسکتی ہیں آنٹی، آپ کوئی تبلیغی جماعت نہیں چلا رہیں'۔

 

 

 

 

 

View this post on Instagram

 

 

 

 

 

 

 

 

 

 

 

A post shared by All Pakistan Drama Page (@allpakdramapageofficial)

جنت مرزا نے بشریٰ انصاری کو مخاطب کرتے ہوئے لکھا کہ 'آپ بھی گلوکاری کرتی ہیں، رقص کرتی ہیں، ایوارڈ شو پر ڈانس پرفارمنس آپ نے کی لیکن آج دوسروں پر تنقید، واہ'۔

ٹک ٹاکر کا مزید کہنا تھا کہ میں بس اتنا کہوں گی کہ کسی پر تنقید کرنے سے پہلے اپنے گریبان میں جھانک لیں۔

دوسری جانب اس صورتحال پر جنت مرزا کی بہن علیشبہ انجم نے انتہائی سخت الفاظ میں بشریٰ انصاری کو تنقید کا نشانہ بنایا اور کہا کہ بشریٰ انصاری آپ اسلام کی بات نہیں کریں کیوں کہ اسلام میں اداکاری، گلوکاری اور رقص کی اجازت نہیں ہے'۔

 

 

 

 

 

View this post on Instagram

 

 

 

 

 

 

 

 

 

 

 

A post shared by 𝐅𝐑𝐊 𝐌𝐀𝐆𝐀𝐙𝐈𝐍𝐄 𝐏𝐀𝐊𝐈𝐒𝐓𝐀𝐍 (@frk.magazine)

علیشبہ کا کہنا تھا کہ جنت سے غلطی ہوئی ہے وہ اس پر کافی اداس بھی ہے، اور اس نے معافی مانگی، جن افراد کا دل دکھا انہوں نے جنت کو معاف کردیا لیکن آپ ایسی زبان استعمال کر کے کہہ رہی کہ انہیں اسلام اور دیگر مذاہب کا نہیں پتا۔

ٹک ٹاکر کا کہنا تھا کہ ہمیں اسلام کا بہت اچھی طرح علم ہے آپ ہمارے گھر میں نہیں رہتی جو آپ کو پتا ہے، ہمیں پتا ہے کہ ہم گانوں پر ٹک ٹاک بنا تے ہیں بہت گناہ گار ہیں لیکن اسلام میں عورتوں کے لیے پردہ ہے تو آپ پردہ کیوں نہیں کرتیں؟ اسلام میں گانے اور اداکاری کی اجازت نہیں ہے۔