پی ایس ایل میں شرکت کیلئے پانچ کٹررز تاحال یو اے ای کے ویزوں کے منتظر

رپورٹ  : انس سعید

تفصیلات کے مطابق   قومی کرکٹر عمر امین، عمران رندھاوا اور آصف آفریدی لاہور کے ہوٹل میں ابوظہبی جانے کا انتظار کر رہے ہیں جبکہ حماد اعظم اور خالد عثمان نے انگلینڈ سے  ابوظہبی آنا ہے۔

ذرائع کا کہنا ہے کہ حماد اعظم  نے انگلینڈ میں کلب کا بھی کنٹریکٹ ختم کر دیا ہوا ہے  حماد اعظم نے پی ایس ایل کے لیے اپنا انگلینڈ میں کنٹریکٹ ختم کیاہے۔

ترجمان پاکستان کرکٹ بورڈ کے مطابق کرکٹرز کے ویزوں   کا کام جاری ہے ، اس حوالے سے پیش رفت کا انتظار ہے  جلد کرکٹرز کے  ویزے جاری ہو جائیں گے اور ابوظہبی پہنچ جائیں گے ۔

کرکٹرعمر امین اسلام یونائیٹڈ ، عمران رندھاوا اور خالد عثمان  پشاور زلمی  کا حصہ ہیں جبکہ آصف آفریدی  اور حماد اعظم نے ملتان سلطانز کی نمائندگی کرنی ہے ۔

اس سے قبل 25 سے زائد افراد کے ویزے تاخیر سے جاری ہوئے تھے جن میں سے کپتان سرفراز احمد سمیت چھ افراد تاحال ابوظہبی کے ہوٹل میں قرنطنیہ میں موجود ہیں ۔

پاکستان سپر لیگ کے چھٹے ایڈیشن کے بقیہ میچز کا آغاز9 جون سے ہوگا کوالیفائر اور ایلیمنیٹر 1 سمیت ٹورنامنٹ کے دوران 6 ڈبل ہیڈرز کھیلے جائیں گے ٹورنامنٹ کے میچز یو اے ای وقت کے مطابق رات 8 بجے (پاکستانی وقت کے مطابق رات 9 بجے) شروع ہوں گے ڈبل ہیڈرز والے روز پہلا میچ یو اے ای وقت کے مطابق شام 5 بجے (پاکستانی وقت کے مطابق 6 بجے) شروع ہوگا ڈبل ہیڈرز والے روز دوسرا میچ رات 10 بجے (پاکستانی وقت کے مطابق 11 بجے) شروع ہوگا جبکہ ٹورنامنٹ کا فائنل چوبیس جون کو کھیلا جائے گا ۔