وزیراعلیٰ پنجاب جیل اصلاحات کا جامع پلان طلب کر لیا

وزیراعلیٰ پنجاب مریم نواز نے صوبے میں جیل اصلاحات کا جامع پلان طلب کرلیا۔

مریم نواز کی زیر صدارت جیل اصلاحات سے متعلق اجلاس ہوا جس میں فیصل آباد اور راولپنڈی میں خواتین جیلوں کے قیام کی منظوری دی گئی۔

وزیراعلیٰ مریم نواز نے نئی جیلوں کو شہر سے باہر قائم کرنے کی ہدایت کی جبکہ پنجاب کے بخشی خانوں اورلاک اپ کی ری ویمپنگ پراجیکٹ کی بھی منظوری دی گئی۔

اجلاس میں جیلوں سے جرائم پیشہ افراد کے ممکنہ بیرونی رابطوں پر اظہار تشویش کیا گیا اور جیلوں کی سائبر سکیورٹی کے انتظامات کو فول پروف بنانے کی بھی ہدایت کی گئی۔

وزیر اعلیٰ مریم نواز شریف کی زیر صدارت اجلاس میں سینئر صوبائی وزیر مریم اورنگزیب، صوبائی وزیر اطلاعات و ثقافت عظمیٰ بخاری، ایم پی اے ثانیہ عاشق، چیف سیکرٹری زاہد اختر زمان، ہوم سیکرٹری نورالامین مینگل، آئی جی جیل خانہ جات فاروق نذیر اور دیگر حکام نے شرکت کی۔