سیکیور ٹی فورسز کی خیبر پختونخواہ میں کامیاب کارروائیاں 23 دہشت گرد ہلاک

خیبرپختونخوا میں سکیورٹی فورسز کی تین کارروائیوں میں 23 دہشت گرد ہلاک ہو گئے ہیں۔

فوج کے شعبہ تعلقات عامہ کے مطابق گزشتہ روز پشاور کے علاقے حسن خیل میں خفیہ اطلاعات کی بنیاد پر ایک آپریشن کیا گیا۔ اس کارروائی میں 6 دہشت گرد مارے گئے اور ان کے کئی ٹھکانے تباہ کر دیئے گئے۔

کیپٹن حسین جہانگیر اور حوالدار شفیق اللہ آپریشن کے دوران دلیری سے لڑتے ہوئے شہید ہو گئے۔آج ضلع ٹانک میں ایک اور کارروائی میں سکیورٹی فورسز نے دہشت گردوں کے ٹھکانے کا سراغ لگا کرد س دہشت گردوں کو ہلاک کرد یا۔تیسری کارروائی ضلع خیبر کے علاقے باغ میں کی گئی جس کے دوران سات دہشت گرد مارے گئے اور دو زخمی ہوئے، تاہم دہشت گردوں کے ساتھ شدید فائرنگ کے تبادلے میں پانچ جوان بہادری سے لڑتے ہوئے شہید ہو گئے جن میں نائیک محمد اشفاق بٹ، لانس نائیک سید دانش افکار، سپاہی تیمور ملک، سپاہی نادر صغیر اور سپاہی محمد یاسین شامل ہیں۔ہلاک دہشت گردوں سے اسلحہ، گولہ بارود اور دھماکہ خیز مواد کی بڑی مقدار بھی برآمد کی گئی۔ یہ دہشت گرد سکیورٹی فورسز کیخلاف دہشت گردی کی لاتعداد سرگرمیوں اور شہریوں کے قتل میں ملوث تھے۔

واضح رہے کہ علاقے میں موجود ممکنہ دہشت گردوں کے خاتمے کیلئے کارروائی کی جا رہی ہے۔سکیورٹی فورسز ملک سے دہشت گردی کے ناسور کے خاتمے کیلئے پرعزم ہیں اور ہمارے دلیر جوانوں کی ایسی قربانیاں ہمارے عزم کو مزید مضبوط کرتی ہیں۔