ٹی 20 ورلڈ کپ:پاک، بھارت ٹاکرا کل ہو گا،سکیورٹی انتہائی سخت

ٹی 20ورلڈ کپ 2024 میں پاکستان اور بھارت کا ٹاکرا کل ہو گا۔

قومی اسکواڈ نیویارک میں موجود ہے، ٹیم پاکستان ایک روز آرام کے وقفے کے بعد آج سے دوبارہ مشقیں شروع کرے گی۔

میچ سے قبل قومی کرکٹرز فزیکل ٹریننگ اور فیلڈنگ ڈرلز میں حصہ لیں گے اور نیٹس میں بیٹنگ اور باؤلنگ کی پریکٹس بھی کریں گے۔

امریکی اخبار کے مطابق پہلی بار امریکہ 9 جون کو دنیا کے اس سب سے بڑے مقابلے کی میزبانی کرے گا۔

اس میچ کو 400 ملین سے زائد لوگوں کے دیکھنے کی امید ہے۔ اس سے قبل کنساس سٹی اور فرانسسکو کے درمیان سپر باؤل کا میچ تقریباً 125 ملین ناظرین نے دیکھا تھا۔

نیویارک میں روایتی حریف پاکستان اور بھارت اتوار کو مدمقابل آئیں گی۔

یاد رہے کہ بھارت نے اپنے پہلے میچ میں آئرلینڈ کو شکست دی تھی لیکن پاکستان کو میزبان امریکہ کے ہاتھوں اپ سیٹ شکست کا سامنا کرنا پڑا تھا۔

نیویارک میں پاکستان ٹیم ٹی 20ورلڈ کپ کے 2 میچز کھیلے گی، پہلا میچ کل بھارت کے ساتھ جبکہ دوسرا میچ 11 جون کو کینیڈا سے ہوگا۔

دوسری جانب نیو یارک میں پاکستان اور بھارت کے درمیان کھیلنے جانیوالے ٹی 20 ورلڈ کپ میں میچ کے موقع پر سکیورٹی خدشات کے باعث سکیورٹی بڑھا دی گئی ہے۔ انتظامیہ کے مطابق سکیورٹی کے سخت انتظامات کئے گئے ہیں۔

ایشیا کی دو صف اول کی ٹیموں کے درمیان ٹورنامنٹ کا سب سے بڑا میچ9جون کو نیو یارک میں کھیلا جائے گا۔