ٹی20 ورلڈکپ: آسٹریلیا نے انگلینڈ کو 36 رنز سے ہرا دیا

آسٹریلیا نے انگلینڈ کو 36 رنز سے شکست دیکر ایونٹ میں مسلسل دوسری کامیابی حاصل کرلی۔

انٹرنیشنل کرکٹ کونسل (آئی سی سی) مینز ٹی20 ورلڈکپ 2024 کے 17ویں میچ میں اسٹریلیا نے انگلینڈ کو بڑے مارجن سے شکست دے دی۔

ٹی20 ورلڈکپ کا 17واں میچ گروپ بی کی ٹیموں کے درمیان ویسٹ انڈیز کے شہر برج ٹاؤن میں کھیلا گیا۔

آسٹریلیا نے پہلے بیٹنگ کرتے ہوئے ٹاپ آرڈر بلےبازوں کی جارحانہ بیٹنگ کی بدولت مقررہ 20 اوورز میں 7 وکٹ کے نقصان پر 201 رنز بنائے جس کے جواب میں انگلینڈ کی ٹیم 6 وکٹ کے نقصان پر 165 رنز ہی بناسکی۔

انگلینڈ کرکٹ ٹیم کے کپتان جوز بٹلر نے ٹاس جیت کر پہلے فیلڈنگ کرنے کا فیصلہ کیا، آسٹریلیا کی جانب سے ڈیوڈ وارنر اور ٹریوس ہیڈ نے ٹیم کو 70 رنز کا جارحانہ آغاز فراہم کیا ۔

ہدف کے تعاقب میں انگلش ٹیم کی جانب سے کپتان جوز بٹلر اور فل سالٹ نے ٹیم کو 73 رنز کا جارحانہ آغاز فراہم کیا، تاہم دیگر کھلاڑی اچھی کارکردگی دکھانے میں ناکام رہے اور انگلینڈ مقررہ اوورز میں 6 وکٹ کے نقصان پر 165 رنز ہی بناسکی۔