پنجاب ریونیو اتھارٹی نے رواں مالی سال میں 206 ارب سے زائد کے محصولات جمع کر لیے

پنجاب ریونیو اتھارٹی(پی آر اے) نے رواں مالی سال کے پہلے گیارہ ماہ میں 206 ارب سے زائد کے محصولات جمع کر لیے۔

تفصیلات کے مطابق پی آر اے نے پنجاب سیلز ٹیکس آن سروسز کی مد میں دو کروڑ سے رائد رقم اکٹھی کی، اسی طرح پنجاب انفراسٹریکچر ڈویلپمنٹ سیس پر مجموعی طور پر 60 کروڑ روپے سے زائد کے محصولات جمع کیے۔  مالی سال کے ماہ مئی تک پنجاب ویلفیئر ورکرز فنڈ سے 74 کروڑ 40 لاکھ روپے جمع کر لیے گئے

پنجاب ریونیو اتھارٹی نے چیئرمین جاوید اقبال کی قیادت میں مقرر کردہ 230 ارب روپے کے ہدف کا 90 فیصد حاصل کر لیا ،وزیر خزانہ مجتبی شجاع الرحمن کی قیادت میں رواں مالی سال میں ٹیکس کی چوری کو ممکنہ طور پر ختم کرنے کے لئے مزید اقدامات کیے گئے ہیں۔

جاوید اقبال کا کہنا ہے کہ الیکٹرونک انوائس مینجمنٹ سسٹم کی تنصیب اور سیلز ٹیکس ریٹرن میں مزید چیکس متعارف کروائے گئے، اسکے علاوہ ٹیکس دہندگان کی آسانی کے پیش نظر سنگل سیلز ٹیکس ریٹرن جیسی سہولت متعارف کروائی گئی ہیں۔ پنجاب کی سب سے بڑی اتھارٹی رواں مالی سال کا ہدف جون کے اختتام سے قبل ہی عبور کر لئے ہیں۔

چیئرمین پی آر اے کا کہنا تھا کہ وزیر خزانہ کی ہدایت پر ہدف کے حصول کے لئے تاجر برادری ، ٹرانسپورٹ ایجنٹس ایسوسی ایشن سمیت دیگر سے ملاقاتیں بھی جاری ہیں، اسٹیک ہولڈرز کو آگاہی دینے اور دوستانہ ماحول کی بدولت پی آر اے گزشتہ چار سالوں سے ٹیکس ہدف پورا کرنے کی روایت کو برقرار رکھے گی۔