سنی دیول کا فلم بارڈر 2 کے سیکوئیل کا اعلان 

معروف بھارتی اداکار سنی دیول کے انسٹا گرام اکاؤنٹ سے ایک ویڈیو جاری ہوئی جس میں سنی دیول نے ایک سپاہی کی آواز میں اپنی ایک پرانی, مگر مشہور زمانہ فلم کے سیکوئیل کے بننے کا عندیہ دیا۔

اداکار سنی دیول نے اپنے چاہنے والوں کو انڈیا کی ایک جنگی کہانی پر مبنی سپر ہٹ فلم بارڈر کے پارٹ 2 کے بننے کا پیغام دیا۔  حالیہ جاری ویڈیو بظاہر ایک ٹیزر ہے جس میں کہا گیا کہ 27 برس کے بعد ایک فوجی اپنے کیے گئے وعدے کے تحت واپس آرہا ہے۔

ذرائع کے مطابق فلم کی شوٹنگ کا باقاعدہ آغاز رواں سال اکتوبر میں ہوگا۔  اس فلم کے پروڈیوسرز میں جے پی دتاکے ساتھ ندھی دتا اور بھوشن کمار بھی شامل ہیں، جبکہ انوراگ سنگھ بطور ہدایت کار کام کریں گے۔

بالی ووڈ کی مشہور زمانہ فلم بارڈر 1997 میں جاری ہوئی۔ یہ فلم در اصل فوجیوں کی ایک کہانی تھی، جس میں 120 فوجی ساری رات اپنی پوسٹ کی حفاظت کے لیے اپنا تن من دھن ایک کر دیتے ہیں۔