سٹاک مارکیٹ دوبارہ 77 ہزار پوائنٹس کی سطح عبور کر گیا، ڈالر مزید مہنگا

عید کی چھٹیوں کے بعد کاروباری ہفتے کے پہلے روز سٹاک ایکسچینج میں تیزی دیکھنے میں آئی ہے، پاکستان سٹاک مارکیٹ میں 100 انڈیکس ایک بار پھر 77 ہزار پوائنٹس کی سطح عبور کر گیا۔

پاکستان سٹاک مارکیٹ میں 578 پوائنٹس اضافے کے ساتھ ہنڈرڈ انڈیکس 77 ہزار 285 پوائنٹس کی سطح پر ٹریڈ کر رہا ہے۔

واضح رہے کہ گزشتہ کاروباری ہفتے کے آخری روز سٹاک مارکیٹ میں ہنڈرڈ انڈیکس 76 ہزار 707 پوائنٹس کی سطح پر بند ہوا تھا۔

اس کے علاوہ کاروباری ہفتے کے پہلے روز انٹربینک میں امریکی کرنسی کی قیمت میں 20 پیسے کا اضافہ ہوا جس کے ساتھ انٹربینک میں ڈالر 278 روپے 70 پیسے پر ہے۔