ایران نے لبنان پر حملے میں صورت میں اسرائیل کو خبردار کر دیا۔

نیو یارک میں ایران کے مشن کا یہ تبصرہ اسرائیل اور لبنان کی ایرانی حمایت یافتہ حزب اللہ تحریک کے مابین وسیع علاقائی جنگ کے خدشے کے ساتھ آیا ہے۔ غزہ میں جنگ شروع ہونے کے بعد سے فریقین گولہ باری کے تبادلے میں مصروف ہیں۔

غیر ملکی میڈیا رپورٹ کے مطابق اسرائیل کی فوج نے کہا کہ لبنان پر حملے کے منصوبے کی ’’منظوری اور توثیق‘‘ کر دی گئی تھی جس پر حزب اللہ نے جواب دیا کہ اگر لبنان پر حملہ کیا گیا تو اسرائیل کو صفحہ ہستی سے مٹا دیں گے۔

سوشل میڈیا پلیٹ فارم ایکس پر ایک پوسٹ میں ایرانی مشن نے کہا ہے کہ صہیونی حکومت کے لبنان پر حملہ کرنے کے ارادے کے بارے میں پروپیگنڈے کو سمجھتے ہیں۔

انہوں نے مزید کہا کہ اگر لبنان کے خلاف اسرائیل بھرپور طریقے سے جنگ کرے گا تو ہم بھی تمام اختیارات بشمول تمام مزاحمتی محاذوں پر اسرائیل کے خلاف جنگ لڑیں گے اور اسرائیل کا نام و نشان مٹا دیں گے۔

یاد رہے کہ اپریل میں ایک فضائی حملے کے بعد علاقائی جنگ کے خدشات بھی بڑھ گئے جس میں دمشق میں ایرانی قونصل خانہ مسمار ہو گیا اور سپاہِ پاسدارانِ انقلابِ اسلامی کے سات ارکان بشمول دو جنرل ہلاک ہو گئے تھے۔

خیال رہے کہ اسلامی جمہوریہ ایران نے 1979 کے انقلاب کے بعد سے اسرائیل کو تسلیم نہیں کیا ہے جس میں ایران کے امریکی حمایت یافتہ شاہ کا تختہ الٹ دیا گیا تھا۔

معروف بھارتی بلے باز ویرات کوہلی نے ٹی ٹوئنٹی سے ریٹائرمنٹ کا اعلان کردیا ۔ 

ٹی ٹوئنٹی ورلڈ کپ 2024 کا ٹا ئٹل اپنے نام کرنے کے بعد ویرات کوہلی نے پریس کانفرنس کے ذریعے ریٹا ئرمنٹ کا اعلان کردیا ۔ 

انہوں نے کہا کہ یہ میرا آخری ٹی ٹوئنٹی ورلڈ کپ تھا اور آج میں نے اس کا آخری میچ کھیلا ہے ۔ 

افغانستان کے بارے میں خصوصی سفیروں کا تیسرا اجلاس کل (اتوار) قطر کے شہردوحہ میں ہوگا۔

اقوام متحدہ کی سیاسی اور قیام امن سے متعلق امور کی انڈرسیکرٹری جنرل روز میری ڈیکارلو سیکرٹری جنرل کی جانب سے اجلاس کی صدارت کریں گی۔

اجلاس میں اس بات کا بھی جائزہ لیا جائیگا کہ افغانستان کے معاملے پر بین الاقوامی سطح پر اہم مربوط اور ڈھانچہ جاتی امور پر بات چیت کو کیسے آگے بڑھایا جائے۔اجلاس میں تقریبا تیس ممالک اور عالمی اداروں کو شرکت کی دعوت دی گئی ہے۔اجلاس میں افغان حکومت کے ترجمان ذبیح اللہ مجاہد چھ رکنی وفد کی قیادت کررہے ہیں۔