وزیراعلیٰ پنجاب مریم نوازنے خادم اعلیٰ پنجاب شہبازشریف کے دورکی ایک اوریاد تازہ کردی، بارش کے بعد شہرکی صورت حال کا جائزہ لینے کے لیے لاہورکے مختلف علاقوں کے ہنگامی دورے کیے۔

وزیراعلیٰ مریم نوازگاڑی بارش کے پانی میں لے گئیں، مریم نوازنے نکاسی آب کے لیے کام کرنے والےعملے سے بات چیت کی۔  وزیراعلیٰ مریم نوازنے حوصلےاورکاوشوں کوسراہا۔

وزیراعلیٰ پنجاب لکشمی چوک میں واساکیمپ آفس بھی گئیں، مریم نوازکودیکھ کرعلاقہ مکین جمع ہوگئے، وزیراعلیٰ نے ہاتھ ہلا کر سلام کیا۔ واساعملے کوبھی قریب بلالیا، شاباش دی اورحوصلہ بڑھایا۔

وزیراعلیٰ نے واسا حکام سےعملے، مشینری کی دستیابی اورکام سے متعلق استفسارکیا، ڈائریکٹرواسا کی وزیراعلیٰ مریم نوازکونکاسی آب کے انتظامات پربریفنگ دی گئی۔

دوسری جانب شہری نے وزیراعلیٰ پنجاب کی گاڑی روک لی، کہا کہ ماردولیکن پیچھے نہیں ہٹوں گا۔ اس کے ساتھ ہی وزیراعلیٰ پنجاب مریم نوازنے شہری کو اپنے پاس بلالیا۔

راولپنڈی : راولپنڈی میں نادرا کے دفتر کے باہر سے حساس ادارے کی سرکاری گاڑی چوری ہو گئی۔

میڈیا ذرائع کے مطابق حساس ادارے کا ملازم سرکاری گاڑی میں فیملی کے ساتھ نادرا کے دفتر آیا تھا۔ گاڑی تھانہ صادق آباد کے علاقے میں مری روڈ سے چوری کی گئی۔

سرکاری گاڑی چوری ہونے کا مقدمہ تھانہ صادق آباد میں درج کرلیا گیا ہے۔ پولیس نے علاقے میں لگے کیمروں کی فوٹیج حاصل کرکے ملزمان کی تلاش شروع کردی ہے۔  پولیس مختلف علاقوں میں  ملزمان کی گرفتاری اور گاڑی کی بازیابی کے لیے کارروائی کر رہی ہے۔

نیویارک: امریکی سپریم کورٹ نے مجرمانہ کیسز میں سابق صدر ڈونلڈ ٹرمپ کا استثنیٰ تسلیم کر لیا۔

غیر ملکی میڈیا کےمطابق سپریم کورٹ نے ٹرمپ کا استثنیٰ کیس لوئر کورٹ میں واپس بھیج دیا۔ڈونلڈ ٹرمپ کو سابق صدر کی حیثیت سے اپنے خلاف مقدمات میں کچھ استثنیٰ مل سکتا ہے۔

سابق صدور نجی حیثیت میں کیے گئے اقدامات کےلیے استغاثہ سے استثنیٰ کے حقدار نہیں ہیں، سپریم کورٹ میں ٹرمپ کے حق میں 6 ججوں اور مخالفت میں 3 ججوں نے فیصلہ دیا۔

امریکی میڈیاکےمطابق ٹرمپ نے سپریم کورٹ کے فیصلے کو جمہوریت کےلیے بڑی فتح قرار دے دیدیا، صدر بائیڈن کی انتخابی مہم کے عہدیدار نے کہا ٹرمپ اپنے آپ کو قانون سے بالاتر سمجھتے ہیں۔