جی 7 مملک نے چین کے بیلٹ اینڈ روڈ منصوبے کے مقابلے میں گلوبل انفراسٹرکچرپلان بنا لیا

غیر ملکی  خبررساں ادارے کے مطابق  لندن میں ہونے والے جی سیون سربراہ اجلاس میں دنیا کے سات امر ترین ملکوں نے بیلٹ اینڈ روڈ کے مقابلے میں   گلوبل انفراسٹرکچر "بِلڈ بیک بِیٹر ورلڈ "  پلان بنا لیا ۔

 وائٹ ہاؤس کا کہنا ہے کہ اس پلان کے تحت  ترقی یافتہ جمہوری ممالک 400 کھرب ڈالر کی سرمایہ کاری سے کووڈ 19 سے متاثرہ ترقی پذیر دنیا میں انفراسٹرکچر تعمیر کریں گے۔

جی سیون سربراہ اجلاس کے دوسرے دن آج  صدر بائیڈن   گروپ کے رکن ملکوں پر  زور دیں گے کہ وہ چین میں زبردستی مشقت لیے جانے کے خلاف سخت ایکشن لیں۔صدر بائیڈن ترقی پذیر ممالک کے انفراسٹرکچر میں چین کی سرمایہ کاری کے خلاف نیا اتحاد بھی بنانے کی کوشش کر رہے ہیں ۔

جی سیون میں امریکہ، کینیڈا، برطانیہ، فرانس، جرمنی، اٹلی اور جاپان شامل ہیں۔ جی سیون ممالک عالمگیر وبائیں روکنے کے لیے بھی ایک نئے پلان کا اعلان کریں گے۔ ان میں ویکسین کی تیاری کے وقت اور کووڈ 19 کے علاج کو سو دن سے کم کرنے جیسے اقدامات شامل ہیں ۔