سیاسی جماعتوں کو قومی سلامتی کے مسائل پر یکجا ہونا چاہئے، ملک احمد خان

قائم مقام گورنر پنجاب ملک احمد خان نے کہا کہ عزم استحکام ملک کی بہت بڑی ضرورت ہے ، سیاسی جماعتوں کو قومی سلامتی کے مسائل پر یکجا ہونا چاہیے ۔

لاہور میں میڈیا سے بات کرتے ہوئے ملک احمد خان نے کہا کہ ایجوکیشن ایکسپو کا انعقاد ایک احسن اقدام ہے، آج کے دور میں کتاب کی اہمیت مزید بڑھ گئی ہے، آئین کوئی ایسی کتاب نہیں کہ اس کو پکڑ کے قسم کھالیں، آئین کو اس کی اصل شکل میں بحال کرنے کی ہر ممکن کوشش کی۔

ملک احمد خان نے کہا کہ ٹوکن احتجاج ہوتے رہتے ہیں،ہم بھی کرتے تھے، اپوزیشن آئین کے دائرے میں رہ کر احتجاج کا شوق پورا کرلے ۔

انہوں نے مزید کہا کہ آئین کو اٹھا کر گھومنے کا کوئی فائندہ نہیں اس پر عمل ہونا چاہئے۔پارلیمنٹ ملک کا اعلیٰ ترین فورم ہے، عزم استحکام ملک کی بہت بڑی ضرورت ہے ، سیاسی جماعتوں کو قومی سلامتی کے مسائل پر یکجا ہونا چاہیے ۔