پنجاب میں سو لر پینلز منصوبے کی منظوری دے دی گئی

لاہور: پنجاب میں سولر پینلز دینے کے منصوبے کی اصولی منظوری دے دی گئی۔

وزیراعلیٰ پنجاب مریم نواز نے پنجاب کی عوام  کو بڑا تحفہ دیتے ہوئے سولر پینلز دینے کے منصوبے کی اصولی منظوری دے دی ہے۔

پنجاب کابینہ سولر پینلز کی فراہمی کے منصوبے کی کل باضابطہ منظوری دے گی، سولر پینل کی لاگت کا 90 فیصد پنجاب حکومت ادا کرے گی جب کہ 10فیصد صارف دے گا۔

پانچ سو یونٹ تک بجلی استعمال کرنے والے صارفین کو سولر پینلز دیے جائیں گے، روشن گھرانہ پروگرام کی منظوری کے لئے کل کابینہ کا اجلاس طلب کیا گیا ہے۔

سولر پینل 5 سال کی آسان اقساط پر صارفین کو فراہم کیے جائیں گے، سردیوں میں سولر پینل کی قسط نسبتا ًکم  ہوگی جب کہ پینل صرف حکومت دے گی۔

سرکاری بجلی، سولر پینل سے حاصل ہونے والی بجلی کے درمیان شرح کا تعین ہوسکے گا۔ توانائی کے بحران کے پیش نظر ’روشن گھرانہ‘ پروگرام شروع کرنے کا فیصلہ کیا گیا ہے۔