چترال : گاڑی کھائی میں جا گری، 4 افراد جاں بحق 

چترال میں گاڑی کھائی میں گرنے سے 4 افراد زندگی کی بازی ہا ر گئے۔

ریسکیو حکام کے مطابق چترال میں یار لشٹ خون جانے والی گاڑی بریپ کے قریب گاڑی گہری کھائی میں جا گری۔ حادثے میں 10 افراد شدید زخمی بھی ہوئے۔

ریسکیو حکام نے زخمیوں اور لاشوں کو حادثے کا شکار گاڑی سے نکال کر آر ایس سی مستوج اور تحصیل ہیڈکوارٹر ہسپتال بونی منتقل کر دیا گیا۔

حکام کا کہنا ہے کہ جاں بحق ہونے والوں میں ڈرائیور، خاتون اور 2 بچے جبکہ زخمیوں میں 4 خواتین بھی شامل ہیں۔