پاکستانی گلوکارہ آئمہ بیگ تنقید کی زر میں

پاکستانی میوزک انڈسٹری کی معروف گلوکارہ آئمہ بیگ نے سعودی عرب کی میوزیکل نائٹ میں پرفارمنس کے بعد اپنے عُمرے کی تصاویر سوشل میڈیا پر شیئر کیں جس کی وجہ سے گلوکارہ کو کڑی تنقید کا سامنا ہے۔

میڈیا رپورٹس کے مطابق سعودی عرب کے شہر جدہ میں ‘جدہ سیزن’ کے تحت پاکستان اور انڈونیشیا میوزیکل نائٹ کا انعقاد کیا گیا، اس میوزیکل نائٹ میں پاکستانی گلوکارہ آئمہ بیگ، بلال سعید، سونو ڈانس گروپ اور انڈونیشیا کی صف اول گلوکارہ لیڈی را را نے شاندار پرفارمنس کا مظاہرہ کیا۔

ان ٹاپ گلوکاروں کی پرفارمنس دیکھنے کے لیے ہزاروں پاکستانیوں نے جدہ کی میوزیکل نائٹ میں شرکت کی۔ آئمہ بیگ نے اپنے گانے مست ملنگ اور کیف و سرور سمیت دیگر گانوں پر بھی زبردست پرفارمنس دی جس نے میوزیکل نائٹ کے شرکاء کے دل جیتے۔

گلوکارہ نے عمرے کی سعادت حاصل کرنے کے بعد عائمہ بیگ نے جدہ میوزیکل نائٹ میں پرفارم کیا اُنہوں نے اپنے آفیشل انسٹاگرام ہینڈل کی اسٹوری میں اپنی چند تصاویر شیئر کیں جن میں گلوکارہ کو عُمرہ ادا کرتے اور خانہ کعبہ کو چُھوتے ہوئے دیکھا جاسکتا ہے۔

آئمہ بیگ کی یہ تصاویر جیسے ہی سوشل میڈیا پر وائرل ہوئیں تو صارفین نے اُنہیں کڑی کا تنقید کا نشانہ بنایا۔

سوشل میڈیا صارفین نے یہ بھی کہا کہ اگر آپ عُمرہ کررہی ہیں تو براہِ کرم! اپنا موبائل فون تو چھوڑ دیں، آپ ہر ایک قدم پر اپنی تصویر لیکر سوشل میڈیا پر پوسٹ کردیتی ہیں۔