لاہور میں خاتون پر تشدد کرنے والے شخص کو پولیس نے حراست میں لے لیا

لاہور میں اچھرہ روڈ پر خاتون کو سرعام تشدد کا نشانہ بنانے والے شخص کو پولیس نے حراست میں لے لیا۔ 

اچھرہ روڈ پر مرد نے سڑک پر خاتون کو تشدد کا نشانہ بنایا اور ٹانگ توڑنے کی کوشش کی، راہ گیروں نے تشدد کرتا دیکھ کر مزاحمت کرتے ہوئے خاتون کو بچایا۔سیف سٹی ورچوئل ویمن پولیس ا سٹیشن نے سیف سیٹی کیمرہ میں دیکھتے ہوئے پولیس کو فورا موقع پر پہنچے کی ہدایات کی۔

پولیس نے موقع پر پہنچ کے بتایا کہ دنوں میاں بیوی ہیں۔ خاتون نے کہا کہ وہ فیکٹری میں کام کرتی ہےاور شوہر اس پر شک کرتا ہے۔خاتون نے الزام عائد کیا کہ خاوند نے مجھے پہلے بھی بہت دفعہ تشدد کا نشانہ بنایا ہے ۔ جس کے بعد پولیس نے شوہر کو حراست میں لے کر قانونی کااروائی کا آغاز کردیا ہے۔