علاقائی
پولیس اہلکاروں پر حملہ کرنیوالوں کو کسی صورت نہیں چھوڑیں گے، مریم نواز
وزیر اعلیٰ پنجاب مریم نواز شریف نے کچے میں زخمی پولیس اہلکاروں کی عیادت کی
![پولیس اہلکاروں پر حملہ کرنیوالوں کو کسی صورت نہیں چھوڑیں گے، مریم نواز](/media/115932/conversions/MaryamNawaz-1280x720.jpg)
رحیم یار خان :وزیراعلیٰ پنجاب مریم نواز شریف نے کچے کے علاقے میں ڈاکوؤں کے حملے میں زخمی ہونے والے پولیس اہلکاروں کی عیادت کے لیے شیخ زید ہسپتال رحیم یار خان کا دورہ کیا۔
وزیراعلیٰ نے زخمی پولیس اہلکاروں وسیم ارشد، بلال، فاروق، نبیل شہزاد، زاہد، سعید اور محمد ایوب کی عیادت کرتے ہوئے ان کی جلد صحت یابی کی دعا کی۔ انہوں نے زخمی اہلکاروں کے والدین اور اہل خانہ سے بھی ملاقات کی اور انہیں ہمت افزائی کی۔
زخمی سپاہی بلال نے وزیراعلیٰ کو بتایا کہ ان کا حوصلہ بلند ہے اور وہ جلد صحت یاب ہو کر دوبارہ ڈیوٹی پر حاضر ہوں گے۔ انہوں نے عزم کا اظہار کرتے ہوئے کہا کہ امن دشمنوں کے خلاف لڑتے رہیں گے۔ وزیر اعلیٰ نے بلال کی اس بہادری پر انہیں قابل فخر قرار دیا۔
مریم نواز شریف نے اس موقع پر کہا کہ پولیس کے جوان بھائی اور بیٹے کی مانند ہیں اور ان کی تکلیف میری تکلیف ہے۔ انہوں نے عزم کا اظہار کرتے ہوئے کہا کہ حملہ کرنے والوں کو کسی صورت نہیں چھوڑا جائے گا اور ان کے خلاف سخت کارروائی کی جائے گی۔
وزیراعلیٰ نے شیخ زید ہسپتال رحیم یار خان کا دورہ کرتے ہوئے ڈاکٹروں اور سٹاف سے بھی ملاقات کی اور انہیں زخمی اہلکاروں کو بہترین طبی سہولیات فراہم کرنے کی ہدایت کی۔ اس موقع پر چیف سیکرٹری زاہد اختر زمان، معاون خصوصی راشد نصر اللہ، ایڈیشنل آئی جیز سمیت دیگر پولیس اور انتظامی حکام بھی وزیراعلیٰ کے ہمراہ تھے۔
پاکستان
ایران میں المناک بس حادثےمیں جاں بحق پاکستانی زائرین سپرد خاک
بس حادثے میں جاں بحق ہونے والے پاکستانی زائرین کی نماز جنازہ میں عوام کی بڑی تعداد میں شرکت
![ایران میں المناک بس حادثےمیں جاں بحق پاکستانی زائرین سپرد خاک](/media/115868/conversions/PK-1280x720.jpg)
ایران کے شہر یزد میں بس حادثے میں جاں بحق ہونے والے 28 پاکستانی زائرین کو ان کے آبائی علاقوں میں سپرد خاک کر دیا گیا ہے۔
تفصیلات کے مطابق شہداء کی لاشیں وطن واپس پہنچائی گئیں اور انہیں ان کے آبائی شہروں میں سپرد خاک کر دیا گیا۔ ان کی نماز جنازہ میں عوام کی بڑی تعداد نے شرکت کی۔جاں بحق افراد میں سے 10 کا تعلق سندھ کے ضلع لاڑکانہ، 6 کا کشمور، 4 کا خیرپور، 3 کا قمبر شہداد کوٹ، 2 کا جامشورو، 2 کا تعلق کراچی اور ایک کا دادو سے ہے۔
اس المناک حادثے کے بعد پاکستانی حکومت نے متاثرہ خاندانوں سے اظہار تعزیت کیا ۔
یاد رہے کہ ایران کے شہر یزد میں ایک دل دہلا دینے والے بس حادثے میں 28 پاکستانی زائرین شہید ہو گئےتھے ۔ یہ حادثہ اس وقت پیش آیا جب ایران سے عراق جانے والی ایک بس تیز رفتار ہونے کی وجہ سے کنٹرول سے باہر ہو کر سڑک سے ٹکرا گئی۔
حادثے کی سی سی ٹی وی فوٹیج میں دیکھا جا سکتا ہے کہ تیز رفتار بس موڑ پر کنٹرول سے باہر ہو کر سڑک سے ٹکرا گئی اور کئی فٹ تک گھسٹتی رہی۔
علاقائی
پشین میں پولیس لائن کے قریب دھماکا،2 بچے جاں بحق،متعددزخمی
دھماکے میں 12 افراد زخمی،لاشوں زخمیوں کو قریبی ہسپتال منتقل کر دیا گیا
![پشین میں پولیس لائن کے قریب دھماکا،2 بچے جاں بحق،متعددزخمی](/media/115871/conversions/Edhi-1280x720.jpg)
پشین : بلوچستان کے ضلع پشین میں پولیس لائن کے قریب ایک زوردار دھماکا ہوا ہے جس کے نتیجے میں کم از کم دو بچے جاں بحق اور پانچ پولیس اہلکاروں سمیت بارہ افراد زخمی ہو گئے ہیں۔
ابتدائی اطلاعات کے مطابق دھماکا پشین بازار کے قریب پیش آیا۔ دھماکے کی شدت اتنی زیادہ تھی کہ اس سے متعدد گاڑیاں اور موٹرسائکلیں بھی تباہ ہو گئیں۔
پولیس اور ریسکیو اہلکاروں نے موقع پر پہنچ کر لاشوں اور زخمیوں کو قریبی ہسپتال منتقل کر دیا ہے۔ تاہم بعض زخمیوں کی حالت تشویش ناک بتائی جا رہی ہے جس کے باعث ہلاکتوں میں اضافے کا اندیشہ ہے۔
پشین میں پولیس لاین کے قریب دھماکا#GNN #BreakingNews #NewsUpdates #GNN_Updates pic.twitter.com/8iphM9onWg
— GNN (@gnnhdofficial) August 24, 2024
پولیس حکام کے مطابق دھماکے کی نوعیت ابھی تک معلوم نہیں ہو سکی اور اس حوالے سے تحقیقات جاری ہیں۔ پولیس نے علاقے کو گھیرے میں لے لیا ہے اور مشتبہ افراد کی تلاش شروع کر دی ہے۔
دنیا
بنگلا دیش میں سیلابی صورتحال میں تشویشناک حد تک اضافہ، 15 افراد ہلاک
تقریباً 48 لاکھ سے زائد افراد متاثر، فینی میں 90فیصد سے زائد موبائل ٹاور زمین بوس ،تمام رابطے منقطع ہو گئے
![بنگلا دیش میں سیلابی صورتحال میں تشویشناک حد تک اضافہ، 15 افراد ہلاک](/media/115920/conversions/FloodinBangladash-1280x720.jpg)
ڈھاکہ: گزشتہ چند دنوں سے بنگلا دیش میں جاری بارشوں کے باعث سیلاب کی صورتحال میں تشویشناک حد تک اضافہ ہو گیا۔ ذرائع کے مطابق سیلاب سے اب تک 15 افراد ہلاک ہو چکے ہیں جبکہ تقریباً 48 لاکھ سے زائد افراد متاثر ہوئے ہیں۔
بنگلا دیش کی میڈیا رپورٹس کے مطابق فینی، کومیلا، نوخالی، لکشمی پور سمیت بنگلا دیش کے 11 اضلاع بری طرح سیلاب کی زد میں ہیں۔ فینی میں تو صورتحال اس قدر خراب ہے کہ 90فیصد سے زائد موبائل ٹاور زمین بوس ہو چکے ہیں جس سے تمام رابطے منقطع ہو گئے ہیں۔
سیلاب زدہ علاقوں میں تقریباً 8 لاکھ سے زائد لوگ پھنسے ہوئے ہیں جنہیں بچانے کےلیے ریسکیو آپریشن جاری ہے۔ ذرائع کے مطابق بنگلا دیشی فوج، نیوی، کوسٹ گارڈز، فائر سروسز، پولیس اور طلبہ ریسکیو آپریشن میں حصہ لے رہے ہیں۔ اب تک تقریباً ایک لاکھ 88 ہزار افراد کو ریسکیو کیا جا چکا ہے۔
بنگلا دیشی حکومت نے سیلاب متاثرین کی امداد کیلئے ساڑھے 3 کروڑ ٹکا کیش، 20 ٹن سے زائد چاول اور اس کے علاوہ 15 ہزار خشک خوراک کے پیکٹس تقسیم کیے ہیں۔
-
پاکستان ایک دن پہلے
مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان
-
پاکستان 2 دن پہلے
مبارک ثانی کیس : سپریم کورٹ نے متناذعہ پیراگراف فیصلے سے حذف کردیے
-
جرم ایک دن پہلے
کارساز حادثے کی ایک اور سی سی ٹی وی فوٹیج سامنے آگئی
-
پاکستان ایک دن پہلے
فیڈرل بورڈ : انٹرمیڈیٹ کے سالانہ امتحانات کے نتائج کا اعلان
-
تجارت ایک دن پہلے
مرکزی تنظیم تاجران نے 8 ستمبر کو ملک گیر شٹرڈاون ہڑتال کا اعلان
-
تجارت 4 گھنٹے پہلے
سونے کی اُڑان ،نئی تاریخ رقم!
-
پاکستان 2 دن پہلے
اسلام آباد میں سیاسی جلسے کے پیش نظر سخت سکیورٹی کے انتظامات، سکول بند
-
علاقائی ایک دن پہلے
سندھ حکومت کا چہلم حضرت امام حسینؓ پر سکولوں میں تعطیل کا اعلان