بالی وڈ کی مقبول ترین جوڑی کے ہاں بچے کی پیدائش

بالی وڈ کے  مقبول ترین جوڑی رنویر سنگھ اور دیپیکا پڈوکون کے ہاں بیٹی کی پیدائش ہوئی ہے۔

بھارتی میڈیا نے رنویر سنگھ اور دیپیکا کے ہان ننھی پری کی آمد کی تصدیق کر دی، رپورٹ کے مطابق جوڑے کے ہاں بچی کی پیدائش 8 ستمبر کو ہوئی۔

گزشتہ روز دیپیکا اور رنویر کی کچھ تصاویر سامنے آئی تھیں جو کہ ممبئی کے اے ایچ این ریلائنس ہسپتال کے باہر لی گئی تھیں۔

بھارتی میڈیا رپورٹس میں بتایا جارہا تھا کہ 7 ستمبر ہفتے کو دیپیکا اور رنویر اسپتال پہنچے تھے جہاں اداکارہ داخل ہوگئی تھیں۔ مقبول ترین جوڑی کے والدین بننے پر سوشل میڈیا پر مداح بڑی تعداد میں دونوں کو مبارکبادیں دے رہے ہیں۔

واضح رہے کہ رنویر اور دیپیکا پڈوکون کی شادی 2018 میں اٹلی میں ایک پُروقار تقریب میں ہوئی تھی۔ رواں سال فروری میں جوڑی نے اعلان کیا تھا کہ اُن کے ہاں ستمبر میں پہلے بچے کی پیدائش متوقع ہے۔