پہلا ٹیسٹ میچ: بھارت نے بنگلہ دیش کو 280 رنز سے شکست دیدی

چنئی : بھارت نے چنئی میں کھیلے جانے والے پہلے ٹیسٹ میچ میں بنگلہ دیش کو 280 رنز سے شکست دے کر سیریز میں 1-0 کی برتری حاصل کر لی ہے۔ 

بنگلہ دیش نے ٹاس جیت کر پہلے فیلڈنگ کا فیصلہ کیا۔ بھارت نے پہلی اننگز میں 376 رنز بنائے جن میں ایشون کی سنچری بھی شامل تھی۔ ایشون نے بنگلہ دیش کی دوسری اننگز میں بھی شاندار باؤلنگ کرتے ہوئے 6 وکٹیں حاصل کیں ۔

بنگلہ دیش کی جانب سے محمود حسن نے بھارت کی پہلی اننگز میں 5 وکٹیں حاصل کیں لیکن بھارتی بلے بازوں کا مقابلہ کرنے میں ناکام رہے۔ بنگلہ دیش اپنی دونوں اننگز میں کمزور کارکردگی کا مظاہرہ کرتے ہوئے بھارت کے سامنے بے بس نظر آئے۔

بھارت کی دوسری اننگز میں رشبھ پنت اور شبمن گل نے سنچریاں اسکور کیں اور ٹیم کو مضبوط پوزیشن میں پہنچا دیا۔

ٹیسٹ میں مجموعی طور پر بہترین آل راؤنڈ کارکردگی کا مظاہرہ کرنے والے روی چندرن ایشون کو میچ کا بہترین کھلاڑی قرار دیا گیا۔

روی چندرن ایشون نے ٹیسٹ کرکٹ میں 37 دفعہ 5 کھلاڑیوں کو آؤٹ کرنے کا آنجہانی شین وارن کا ریکارڈ بھی برابر کردیا۔

بھارت نے سیریز میں 0-1 کی برتری حاصل کر کے ورلڈ ٹیسٹ چیمپیئن شپ میں اپنی پہلی پوزیشن کو برقرار رکھا ہے۔