اسرائیل کے دارالحکومت تل ابیب میں ایک بس اسٹاپ پر تیز رفتار ٹرک نے راہگیروں کو کچل دیا جس میں 35 افراد زخمی ہوگئے جن میں سے 6 کی حالت تشویشناک ہے۔

اسرائیلی میڈیا کے مطابق گلیلوٹ ملٹری بیس کے قریب ایک بس اسٹاپ پر میوزیم کے دورے کے بعد بس سے مسافر اتر رہے تھے جنھیں ٹرک نے کچل دیا۔
 
اسرائیلی میڈیا کا کہنا ہے کہ سکیورٹی حکام اس واقعے کو ایک دہشتگرد حملے کے طور پر دیکھ رہے ہیں جبکہ مشتبہ ٹرک ڈرائیور کو بھی پولیس نے ہلاک کر دیا ہے۔ 

زخمیوں میں سے 6 کی حالت نازک ہونے کے سبب ہلاکتوں کا خدشہ ظاہر کیا جا رہا ہے۔

کراچی میں پاکستان تحریک انصاف (پی ٹی آئی) کے سابق رکن قومی اسمبلی عالمگیر خان کو گرفتار کرلیا گیا ہے۔

پولیس کے مطابق سابق ایم این اے کو 4 افراد سمیت کراچی پریس کلب کے باہر سے حراست میں لیا گیا۔

فکسٹ اٹ ٹیم کے سربراہ فلسطین سے اظہاریکجہتی کے لیے پریس کلب آئے تھے۔ پولیس نے گرفتاری کے بعد عالمگیر خان کو آرٹلری میدان تھانے منتقل کردیا۔

غیر ملکی میڈیا کے مطابق  امریکی ریاست مشی گن کے مسلمانوں نے آئندہ  امریکی صدارتی انتخابات میں ری پبلکن پارٹی کے امیدوار اور سابق امریکی صدر ڈونلڈ ٹرمپ کی حمایت کا اعلان کر دیا ۔میڈیا  رپورٹس کے مطابق مشی گن کی مسلم کیمونٹی کے علما اور پیش اماموں نے  سابق صدر ڈونلڈ ٹرمپ کی حمایت کی تصدیق کر دی۔
مسلم کمیونٹی اور مختلف مسالک کے علما کا کہنا ہے کہ وہ ڈونلڈ ٹرمپ کی جانب سے جنگیں ختم کرنے اور عالمی سطح پر امن و سلامتی قائم کرنے کے اعلان کا خیر مقدم کرتے ہیں۔

؎مسلم کمیونٹی کی جانب سے  حمایت کے اعلان پر سابق امریکی صدر نے خوشی کا  اظہار کیا اور ریاست مشی گن کی مسلم کمیونٹی کا شکریہ ادا کیا۔
اس موقع پر انتخابی اجتماع سے خطاب  کے دوران سابق امریکی صدر ڈونلڈ ٹرمپ کا کہنا تھا کہ 5 نومبر کو امریکا میں نئی تاریخ رقم ہو گی،میں کبھی ہمت نہیں ہاروں گا،اورآخری وقت تک مقابلہ کروں گا۔
یاد رہے کہ گزشتہ روز اپنے خطاب میں سابق امریکی صدراور  ری پبلکن  پارٹی  کے امیدوار ڈونلڈ ٹرمپ کا کہنا تھا کہ افغانستان سے اگست 2021ء میں ناکام انخلا پر روس اور چین نے امریکا کو کاغذی شیر کہا، اگر میں امریکا کا صدر ہوتا تو روس کبھی بھی یوکرین پر حملہ نہ کرتا۔سابق امریکی صدرکا  مزید کہنا تھا  کہ میں  غیر قانونی تارکین وطن کیخلاف سخت کریک ڈاؤن کروں گا۔