مہوش حیات شادی کے لیے کیسا انسان چاہتی ہیں؟

 پاکستان شوبز کی خوبرو اداکارہ وماڈل  مہوش حیات کا کہنا ہے کہ وہ شادی کیلئے تیار ہیں اور جلد شادی کرنے والی ہیں۔

حال ہی میں ایک نجی چینل کو دیے گئے انٹرویو میں لالی وڈ کی نامور اداکارہ اور ماڈل مہوش حیات کا کہنا  ہے کہ انہوں نے محض ایک، 2 سال قبل شادی کرنے کے بارے میں سوچنا شروع کیا ہے ورنہ اس سے پہلے وہ اس کے لیے بالکل تیار نہیں تھیں،اور اس سے قبل  میری مکمل توجہ  کام  پر تھی اور میں  اس بارے میں بالکل نہیں سوچتی تھی۔

اداکارہ نے کہا کہ رشتے آتے رہتے ہیں لیکن میں ٹال مٹول کردیتی ہوں، اب مجھے لگتا ہے کہ اس میں کوئی برائی نہیں ہے کہ اگر کوئی آپ کو اچھا لگتا ہے تو آپ ا سے رشتے کے حوالے سے بات چیت  کرسکتے ہیں۔

ااپنے جیون ساتھی میں وہ کون سے خوبیاں دیکھنا چاہتی ہیں؟ اس سوال کے جواب میں  ادکارہ مہوش حیات کا کہنا تھا کہ ان کو اپنے لیے ایسے  جیون ساتھی کی تلاش ہے جو ذہین اور نرم دل انسان ہو، اس کا اپنی فیملی سے اور کام کے حوالے سے رویہ کس طرح کا ہے یہ ساری چیزیں دیکھنا ضروری ہیں۔

اداکارہ مہوش حیات کا مزید کہنا تھا کہ شادی دو افراد کا نہیں بلکہ دو خاندانوں کا ملاپ ہے۔ 

ادکارہ کا مزید کہنا تھا  کہ مجھے اپنا کام بھی جاری رکھنا ہے، اس لیے مجھے کسی ایسے شخص کی ضرورت ہے جو میرے پیشے کو سمجھتا ہو اور وہ مالی طور پر بھی مضبوط ہو، کیوں کہ میں بھی کماتی ہوں۔