کویت میں موجود غیرملکیوں کے حوالے سے تشویشناک خبر آگئی

کویت کے روزنامہ الرائی کے مطابق کویت کی سپریم ایڈوائزری کمیٹی کے سربراہ ڈاکٹر خالد الجا اللہ نے کہا کہ کورونا وائرس کی نئی تبدیل شدہ قمس کے پھیلنے سے ملک میں نئے کیسز اور ہسپتالوں میں داخلوں کا ریکارڈ ٹوٹ گیا ہے ۔

مزید پڑھیں : 10سال بعد پاکستانی شہریوں کے لئے کویت کا ویزا بحال

انہوں نے کہا کہ ملک میں کورونا کی شرح میں اضافہ ہوا ہے جن میں سے ساٹھ  فی صد غیر ملکی کورونا انفیکشن کا شکار ہیں جب کہ کویتی شہریوں کی تعداد چالیس فی صد ہے ۔سپریم ایڈوائزری کمیٹی کے سربراہ ڈاکٹر خالد نے انکشاف کیا کہ ملک میں کورونا انفیکشن کی شرح غیر ملکیوں میں زیادہ ہے ۔ انہوں نے کہا کہ کورونا کیسز میں اضافہ ہوا ہے لیکن ویکسینیشن کی شرح میں اضافے سے صحت کے نطام پر اس کے اثرات کم ہوجائیں گے ۔ انہوں نےعوام سے احتیاطی تدابیر پر سختی سے عمل کرنے کی بھی اپیل کی ۔

مزید پڑھیں : تعلیمی اداروں میں گرمیوں کی چھٹیوں کے حوالے سے اہم خبر آگئی 

کویت کی وزارت صحت نے گزشتہ روز کورونا وائرس کے نئے کیسز سے متعلق رپورٹ جاری کی تھی جس میں کہا گیا تھا کہ کویت میں ریکارڈ کیے گئے نئے کیسز کی تعداد 1962 تک پہنچ چکی ہے ، کویت میں یہ تعداد اب تک ریکارڈ کی جانے والی سب سے زیادہ ہے ، سپریم ایڈوائزری کمیٹٰ کا کہناہے کہ یومیہ ریکارڈ کیے جانےوالے کورونا کیسز کی مجموعی تعداد میں سے نصف سے زیادہ غیر ملکی ہیں ۔

مزید پڑھیں : "HAHA" کی ایموجی استعمال کرنا حرام ہے، بنگلادیشی عالم دین