پی ایس ایکس میں نئی تاریخ رقم، انڈیکس 94 ہزار کی سطح پر پہنچ گیا

پاکستان اسٹاک ایکسچینج (پی ایس ایکس) میں زبردست تیزی کا سلسلہ جاری، انڈیکس ملکی تاریخ کی بلند ترین 94 ہزار کی سطح پر پہنچ گیا۔

پی ایس ایکیس میں کاروباری ہفتے کے پہلے روز کاروبار کے آغاز پر ہی زبردست تیزی دیکھی جارہی ہے اور انڈیکس میں 700 سے زائد پوائنٹس کا اضافہ ہوا ہے۔

کاروباری ہفتے کے پہلے روز کاروبار کے آغاز پر مثبت رجحان کو دیکھنے کو ملا، کاروبار کا آغاز 100 انڈیکس میں 374 پوائنٹس اضافے کیساتھ ہوا جس کے بعد پاکستان سٹاک ایکسچینج میں 100 انڈیکس 93 ہزار 666 پوائنٹس پر پہنچ گیا۔

بعدازاں پاکستان سٹاک مارکیٹ میں زبردستی تیزی دیکھنے کو ملی جس کے بعد 100 انڈیکس تاریخ میں پہلی بار 94 ہزار پوائنٹس کی سطح بھی عبور کر گیا، اس وقت 100 انڈیکس 700  سے زائد پوائنٹس کے اضافے کے بعد 93 ہزار 986 پوائنٹس پر ٹریڈ کر رہا ہے۔ 

گزشتہ ہفتے کاروباری دن  کے آخری روز 100 انڈیکس نے نئی بلند ترین سطح 93514 بنائی تھی اور  کاروبار کے اختتام پر 100 انڈیکس 771 پوائنٹس اضافے سے 93291 پر بند ہوا تھا۔