کورونا کا دنیا پر قہر برقرار ، امریکہ میں 87 ہزار سے زائد نئے کیسز رپورٹ

تفصیلات کے مطابق دنیا بھر میں کورونا سے 10 کروڑ70لاکھ5ہزار افراد متاثر جبکہ  23لاکھ 37ہزار سے زائد  موت کےمنہ میں جاچکےہیں۔ امریکہ میں چوبیس گھنٹوں میں ایک ہزارچار سو اناسی اموات جبکہ ستاسی  ہزارسے زائد  نئے کیسز رپورٹ  ہوئے۔ متاثرین کی مجموعی تعداددو کروڑ77 لاکھ  سے تجاوز کرگئی ۔

ڈونلڈ ٹرمپ کے بعد نئے امریکی صدر جوبائیڈن بھی کورونا کے سامنے تاحال بے بس ہیں۔ امریکی صدر جوبائیڈن نے  سابق صدرڈونلڈ ٹرمپ پر کورونا بارے درست معلومات نہ فراہم الزام لگا دیا۔ امریکی صدر جو بائیڈن کے چیف میڈیکل ایڈوائزر ۔ڈاکٹرفاوچی کہتےہیں کورونا کی نئی قسموں سے لڑنے کیلئےملک کے شہریوں کی ویکسی نیشن  جلد مکمل کرنی چاہیے۔

برازیل میں  ایک روز میں  687اورمیکسیکو میں531افرادجان کی بازی ہار گئے۔برطانیہ میں333 اٹلی میں307  فرانس میں458۔جرمنی میں469 اسپین 303جبکہ روس میں407 اموات  ہوئیں۔آسٹریا میں کورونا کیسز میں کمی کی وجہ سے لاک ڈاون میں نرمی کر دی گئی۔شہریوں نے  دکانوں کا رخ کر لیا۔ جنوبی کوریا میں بھی کورونا کیسز میں کمی ریکارڈ ۔حکومت شہریوں کو  کیفے اور ریستوران میں کھانا کھانے کی اجازت دے دی۔

سعودی شہر ریاض میں کام کرنے والے ملازمین میں کورونا وائرس کی تشخیص پر دس مساجد بند کر دی گئیں۔ عمان نے ملک میں کورونا کیسز بڑھنے کی وجہ سے تمام سرحدیں بند کر دیں۔ادھر کویت کی حکومت نے 35 ملکوں کے شہریوں کے ملک میں آنے پر عائد پابندی ختم کرنے کا عندیہ دیا ہے۔