بیرون ملک سے آنیوالے مسافروں میں کورونا کے مثبت کیسز میں اضافہ : محکمہ صحت سندھ

تفصیلات کے مطابق محکمہ صحت سندھ نے کورونا وائرس سے متعلق 5مئی سے25جون تک کی رپورٹ جاری کردی۔ رپورٹ کے مطابق بیرون ملک سے  آنیوالے مسافروں کے ریپڈ ٹیسٹ کئے گئے  ،  کراچی ایئرپورٹ پر محکمہ صحت سندھ کے عملے نے کراچی پہنچنے والے51ہزار769مسافروں کے ریپڈ ٹیسٹ کئے جس میں 133مسافروں میں کورونا وائرس کی تصدیق ہوئی۔ محکمہ صحت سندھ کا کہنا ہے کہ  سب سے زیادہ سعودی عرب اور دبئی سے آنے والے مسافروں میں کورونا وائرس کی تشخیص ہوئی ہے ۔

خیال رہے کہ سندھ میں کورونا وائرس سے سب سے زیادہ متاثرہ مریضوں کی تعداد  3 لاکھ35ہزار 044ہو گئی جبکہ صوبے میں اب تک 5 ہزار 407افراد جان کی بازی ہار چکے ہیں ۔

واضح رہے کہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید36فراد چل بسے ۔ ملک میں  اموات کی مجموعی تعداد22 ہزار188ہوگئی ہے،جبکہ  متاثرہ افراد کی مجموعی تعداد 9لاکھ53ہزار842ہوگئی ہے ۔ ملک میں کوروناوائرس کےمثبت کیسزکی شرح 1.99فیصدرہی ۔