ترجمان دفتر خارجہ کا کہنا ہے کہ وزیر اعظم کل “ون واٹر سمٹ” میں شرکت کیلئے ریاض جائیں گے۔

 ترجمان دفتر خارجہ کا کہنا ہے کہ سعودی عرب، فرانس، قازقستان اور عالمی بینک کی مشترکہ سمٹ کا مقصد عالمی تعاون کو فروغ دینا ہے، سربراہی اجلاس میں وزیر اعظم  گول میز اجلاس سے خطاب کریں گے، انہوں نے کہا کہ اجلاس میں تازہ پانی کے وسائل اور آبی زمینوں کے تناظر میں بحالی اور تحفظ پر توجہ دی جائے گی، وزیر اعظم آب و ہوا سے پیدا ہونے والے سیلابوں، آبی وسائل اور ماحولیاتی نظام پر گرمی کے دباؤ کے اثرات سے نمٹنے کے لیے بین الاقوامی تعاون کی اہمیت پر زور دیں گے۔

ترجمان دفتر خارجہ کا کہنا ہے کہ وزیراعظم آبی وسائل کے پائیدار انتظام کے لیے بامعنی بین الاقوامی تعاون پر بھی زور دیں گے، سربراہی اجلاس کے موقع پر وزیراعظم کی دو طرفہ ملاقاتیں اور مصروفیات بھی متوقع ہیں۔

پاکستان کو 20 سال بعد اسکواش کے بڑے ایونٹ ورلڈ اسکواش کی میزبانی مل گئی۔

پاکستان اگلے سال اپریل میں ہونے والی  ورلڈ انڈر 23 اسکواش چیمپئن شپ کی میزبانی کرے گا۔

دوسری جانب ورلڈ اسکواش نے بھی 6 سے 10 اپریل 2025 تک کراچی میں ایونٹ کے انعقاد کی تصدیق کردی ہے۔ 

پہلی ورلڈ انڈر 23 اسکواش چیمپئن شپ میں 60 ہزار ڈالرز کی انعامی رقم تقسیم ہوگی۔ 

واضح رہے کہ  اس سے قبل پاکستان نے 2005 میں آخری مرتبہ کسی ورلڈ اسکواش ایونٹ کی میزبانی کی تھی اور اب پاکستان کو 20 سال بعد  ورلڈ اسکواش ایونٹ کی میزبانی کرنے جا رہا ہے۔

وزیر اعظم شہباز شریف سعودی عرب کے دو روزہ دورے کے لیے کل اسلام آباد سے روانہ ہوں گے، وہ سعودی کراؤن پرنس کی دعوت پر یہ دورہ کریں گے۔

وزیر اعظم شہباز شریف سعودی ولی محمد بن سلمان سے ملاقات کریں گے، وزیر اعظم کی ولی عہد سے یہ تقریباً چھ ہفتوں میں تیسری ملاقات ہوگی، وزیراعظم کی سعودی ولی سے ملاقات اہمیت کی حامل ہوگی، خطے کی بدلتی صورتحال، ٹرمپ کا برسر اقتدار آنا سمیت دیگر اہم امور ملاقات میں زیر غور آئیں گے۔

میڈیا رپورٹس کے مطابق وزیراعظم ریاض میں منعقدہ ہونے والی واٹر سمٹ میں بھی شرکت کریں گے، وزیر اعظم ”یواین سی سی ڈی“ کی کانفرنس آف دی پارٹیز اجلاس میں شرکت کریں گے، یہ کانفرنس زمین کی بحالی کے لیے ایک عالمی پلیٹ فارم ہے اور اقوام متحدہ کے تین بڑے معاہدوں (ریو کنونشنز) میں شامل ہے۔

وزیر اعظم شہباز شریف اس دورے کے دوران اقوام متحدہ کے سیکریٹری جنرل انتونیو گوتریس اور دیگر عالمی رہنماؤں سے بھی ملاقات کریں گے۔