سندھ بھر میں کل سے درگاہیں اور مزارات کھل جائیں گی ، نوٹیفکیشن جاری

تفصیلات کے مطابق   سندھ بھر میں کل سے درگاہیں اور مزارات کھل جائیں گی اس حوالے سے نوٹیفکیشن جاری کردیا گیا ہے۔

جاری حکم نامہ میں  تمام مزارات پر احتیاطی تدابیراختیار کرنا لازمی قرار دیا گیا ہے، زائرین اور عملے کو ماسک پہننا لازمی ہوگا، تمام داخلی راستوں پر سینیٹائزر دستیاب ہوں، مزارات اور درگاہوں پر احتیاطی تدابیر اور ہدایتی بینرز آویزاں ہوں۔

نوٹیفکیشن کے مطابق  مزارات اور درگاہوں پر عوام کا رش نہ لگنے دیا جائے، زائرین کو دس منٹ تک مزارات میں رہنے کی اجازت ہوگی، پچاس سال سے زائد عمر کے افراد ، بچوں اور کھانسی، بخار کی علامات والوں کو اجازت نہیں ہوگی، مزارات پر روزانہ اسپرے اور دھلائی کرنا لازمی ہوگا، نزر و نیاز پر پابندی ہوگی۔