مشرقی وسطیٰ میں  استحکام کیلئے شام میں امن ناگزیر ہے،دفتر خارجہ

پاکستان دفترخارجہ کی ترجمان ممتاز زہرا بلوچ کا کہنا ہے کہ مشرقی وسطیٰ میں علاقائی استحکام کیلئے شام میں امن ناگزیر ہے۔

ترجمان دفترخارجہ ممتاز زہرا بلوچ نے ہفتہ وار پریس بریفنگ کرتے ہوئے کہا کہ وزیراعظم شہباز شریف  نے ریاض میں سعودی ولی عہد شہزادہ محمد بن سلمان سے ملاقات کی، وزیراعظم نے ریاض میں ون واٹر سمٹ میں شرکت کی، جہاں انہوں نے آبی تنازعات کے حل کیلئے علاقائی تعاون،ڈیٹا شیئرنگ کیلئے فریم ورک پر زور دیا۔

مشرق وسطی ٰ کے حوالے سے بات کرتے ہوئے انہوں نے کہا کہ اسرائیل کی نہتے فلسطینیوں پر بربریت جاری ہے، علاقائی استحکام کیلئے شام میں امن ناگزیر ہے، اقوام متحدہ کی کل کی قرار داد کو خوش آمدید کہتے ہیں، قرارداد میں فلسطینی علاقوں سے اسرائیلی قبضے کے خاتمے کا کہا گیا۔

ترجمان دفتر خارجہ کا مزید کہنا تھا کہ پاکستان مسئلہ کشمیر کا اقوام متحدہ کی قراردادوں کے مطابق حل چاہتا ہے۔