ڈونلڈ ٹرمپ  نے میری لینڈ یونیورسٹی کے پروفیسر  کو ڈپٹی وزیر خزانہ نامزد کر دیا

نومنتخب امریکی صدر ڈونلڈ ٹرمپ نے میری لینڈ یونیورسٹی کے پروفیسر مائیکل فول کینڈر کو نائب وزیر خزانہ نامزد کر دیا۔ 

غیر ملکی میڈیا کے مطابق پروفیسرمائیکل فول کینڈر ممتاز ماہر معاشیات اور پالیسی پریکٹیشنر ہیں، ڈونلڈ ٹرمپ نے انکے انتخاب کے بعد اپنے ٹرتھ سوشل پر پوسٹ میں کہا کہ ہمارا امریکا فرسٹ ایجنڈا اب وہ چلائیں گے۔

امریکی میڈیا کے مطابق ٹرمپ نے گیل سلیٹر کو اینٹی ٹرسٹ ڈویژن کے لیے نائب اٹارنی جنرل منتخب کر لیا۔

 جبکہ اس سے قبل ڈونلڈ ٹرمپ نے اپنے داماد جیرڈ کشنر کے والد چارلس کشنر کو فرانس میں امریکی سفیر مقرر کردیا ہے، بی بی سی کی رپورٹ کے مطابق ٹرمپ نے اعلان کیا تھا کہ انہوں نے چارلس کشنر کو فرانس میں سفیر کے لیے منتخب کرلیا ہے۔چارلس کشنر ٹرمپ کی بیٹی ایونکا ٹرمپ کے شوہر کے والد ہیں۔