اسٹار لنک کو پاکستان میں لانے کی کوششیں تیز

وزیر مملکت برائے انفارمیشن ٹیکنالوجی(آئی ٹی) شزا فاطمہ کا کہنا ہے کہ ایلون مسک کی سیٹلائٹ کمپنی اسٹار لنک کو پاکستان لانے کو ششیں کر رہے ہیں،

اسلام آباد میں سینیٹ کی قائمہ کمیٹی برائے آئی ٹی اینڈ ٹیلی کام کا اجلاس ہوا، جس کی صدرات پلوشہ خان نے کی ۔

اجلاس میں چیئرمین کمیٹی سینیٹر پلوشہ خان کا کہنا تھا وزارت آئی ٹی جو بھی اقدام اٹھاتی ہے ذمہ داری وزارت داخلہ پر ڈال دیتی ہے، سمجھ نہیں آتی ہمارے پاس وزارت آئی ٹی کیوں ہے؟

وزارت آئی ٹی  کے حکام نے کہا کہ قومی سلامتی کے تقاضے پورے کرتے ہوئے کوشش کر رہے ہیں کہ آئی ٹی انڈسٹری پر کم سے کم اثرات ہوں۔

دوسری جانب چیئرمین پاکستان سافٹ وئیر ہاؤس ایسوسی ایشن (پاشا) سجاد  نے  کمیٹی میں گفتگو کرتے ہوئے کہا کہ  آئی ٹی انڈسٹری 30 فیصد کے حساب سے ترقی کر رہی ہے، نیشنل سیکورٹی کو خطرے کی صورت میں انٹرنیٹ سروس بند ہو سکتی ہے، تمام ممالک وی پی این کو مانیٹر کرتے ہیں، ان  کامزید کہنا تھا کہ پاشا نے وی پی این سروس پروائیڈرز کی تجویز دی ہے، حکومت کو تجویز دی ہے کہ وی پی اینز کو مقامی سطح پر رجسٹر کرے کیونکہ فری وی پی اینز سے ڈیٹا سیکورٹی کے خطرات ہیں۔