صوابی :دیرینہ دُشمنی پر فائرنگ، میاں، بیوی اور قریبی عزیز قتل

خیبر پختونخوا کے ضلع صوابی میں پرانی دُشمنی پر فائرنگ سے خاتون اور اس کے شوہر سمیت تین افراد جاں بحق جبکہ ایک بچی زخمی ہوگئی۔

پولیس ذرائع کے مطابق صوابی کی تحصیل ٹوپی کے علاقے ڈھیرو لار گدون میں ملزمان نے کار پر اندھا دھند فائرنگ کی جس کے نتیجے میں تین افراد ہلاک ہوئے۔

پولیس کا کہنا  ہے کہ  ہلاک ہونے والوں میں میاں بیوی اور ان کا ایک قریبی رشتہ دار شامل ہے جبکہ فائرنگ سے  ایک بچی زخمی بھی ہوئی ہے جبکہ زخمی اور لاشوں کو ٹوپی اسپتال منتقل کردیا گیا ہے 

پولیس حکام کا کہنا ہےکہ واقعہ ابتدائی تحقیقات کے مطابق واقعہ پرانی دُشمنی کا شاخسانہ معلوم ہوتا ہے تاہم مزید تحقیقات جاری ہیں۔