Advertisement

# محمدعلی سدپارہ ، لاپتہ پاکستانی کوہ پیما اورساتھیوں کی بحفاظت واپسی کیلئے ٹوئٹرصارفین دعاگو

ویب ڈیسک : معروف پاکستانی کوہ پیما محمد علی سدپارہ اور ان کی ٹیم کے ٹو پرتاحال لاپتہ ہے اور ٹوئٹر صارفین سمیت پوری قوم ان کی خیریت جاننے اور بحفاظت واپسی کیلئے دعاگو ہے ۔

GNN Web Desk
شائع شدہ 6 سال قبل پر فروری 10 2021، 4:04 صبح
ویب ڈیسک کے ذریعے

دنیا کے اس دوسرے بلند ترین پہاڑ کے ٹو (8،611 میٹر بلند)  کو سردیوں میں فتح کرنے کی کوشش کرنے والے پاکستانی کوہ پیما محمد علی سدپارہ سمیت تین کوہ پیماؤں کا رابطہ جمعہ کے روز سے بیس کیمپ، ٹیم اور اہل خانہ سے منقطع ہوا تھا ۔ جس کے بعد  پاک فوج نے  انتہائی مشکل موسم میں ہیلی کاپٹروں کا استعمال کرتے ہوئے ریسکیو اینڈ سرچ آپریشن شروع کیا اور 7000 میٹر کی بلندی تک اڑان بھری لیکن  تاحال کسی کا سراغ نہیں مل سکا ۔  دو روز کے تلاش اور بچاؤ  کے آپریشن میں کامیابی نہ ملنے کے بعد علی سدپارہ کے بیٹے ساجد سدپارہ نے کہا ہے کہ اب اس کارروائی کو ان کے والد کی لاش کی تلاش کے آپریشن میں تبدیل کر کے جاری رکھنا چاہیے۔

 لاپتہ کوہ پیما اور ان کے ساتھیوں کی  خیریت  کی خبر کا ہر شخص کو انتظار ہے ،  شاید کوئی معجزہ ہوجائے ۔۔  اسی  کے پیش نظر  سوشل میڈیا پر بھی صارفین   نے کوہ پیما کیلئے  اپنے احساسات و جذبات کا اظہار کیا اور لاپتہ کوہ پیما  کی خیر وعافیت واپسی کیلئے دعاگونظر آئے ۔

Advertisement
رجحانات
Advertisement