ہالی ووڈسپرمین فرنچائز کی نئی فلم کا  ٹریلر جاری

ہالی ووڈ کی  مشہور زمانہ سنسنی اور تھرلر سے بھر پور سپرمین فرنچائیز کی نئی فلم کا ٹریلر جاری کر دیا گیا۔
جیمز گن کی سپرمین کی نئی فلم کیلئے شائقین بےصبری سے انتظار کر رہے تھے جس کا پہلا ٹریلر انتہائی مضبوط ایکشن سے بھرپور دکھایا گیا ہے جس سے مداحوں میں فلم کیلئے بےچینی مزید بڑھ گئی ہے،ہالی ووڈ کو امید ہے کہ یہ فلم 2025 کی سب سے بڑی ریلیز میں سے ایک کے طور پر جگہ بنائے گی۔

اس فلم  میں مرکزی کردارڈیوڈ کورنسویٹ  ادا کر رہے ہیں جس کا مقصد ڈی سی اسٹوڈیوز کے لیے ایک نئے دور کا آغاز کرنا ہے، جس کو مصنف، ہدایت کار گن اور پروڈیوسر پیٹر سیفران نے 2022 میں سنبھالا تھا۔
فلم میں اس مرتبہ سُپرمین میں کامک کرداروں کو بھی حصہ بنایا گیا ہے، ٹریلر کا آغاز سپرمین کے کرپٹو سپر ڈاگ کے ذریعے دوبارہ زندہ ہونے سے پہلے برفیلی زمین پر گرنے سے ہوتا ہے جو شائقین کو بےحد پسند آیا ہے۔ فلم میں مزید کیا تبدیلیاں کی گئی ہیں یہ ریلیز کے بعد ہی معلوم ہو سکے گا۔
ہالی ووڈ کی یہ فلم 11 جولائی 2025 کو سینما گھروں کی زینت بنے گی۔