پاکستانی بلے باز عبد اللہ شفیق نےون ڈے سیریز میں کونسا انوکھا ریکارڈ اپنے نام کر لیا؟

جوہانسبرگ:پاکستانی بلے باز عبداللہ شفیق نےون ڈے سیریز میں ایک ایسا انوکھا ریکارڈاپنے نام کرلیا ہے جسے  شاید ہی کوئی کھلاڑی اپنے نام کرنا چاہے۔
 عبداللہ شفیق ایک ون ڈے سیریز کے تمام میچوں میں صفر پر آؤٹ ہونے والے پہلے اوپنر بن گئے۔
جنوبی افریقا کے خلاف جاری  ون ڈے سیریز کے تینوں میچز میں عبداللہ شفیق بغیر کوئی رن بنائے آؤٹ ہوئے۔ 
اس کے علاوہ اوپنربلے باز عبداللہ شفیق نے ایک اور ناپسندیدہ ریکارڈ بھی اپنے نام کیا، وہ ایک سال میں سب سے زیادہ انٹرنیشنل ڈکس حاصل کرنے والے پاکستانی اوپنر بھی ہوگئے، عبد اللہ شفیق سال 2024 میں 21 اننگز میں 7 مرتبہ صفر پر آؤٹ ہوئے۔
واضحرہے کہ اس سے قبل  عمران نذیر سال 2000 میں 6 مرتبہ اور محمد حفیظ 2012 میں 6 مرتبہ صفر پر آؤٹ  ہوچکے ہیں۔
سب سے زیادہ انٹرنیشنل ڈکس کا ریکارڈ جنوبی افریقا کے ہرشل گبز اور سری لنکا کے تلکارتنے دلشان کے پاس ہے جو ایک سال میں 8 مرتبہ صفر پر آؤٹ ہوئے تھے۔