شکارپور: ہوٹل پر بیٹھے پولیس اہلکاروں پر ڈاکوؤں کی فائرنگ سے 2اہلکار شہید

صوبہ سندھ کے ضلع شکارپور کچے کے علاقے کوٹ شاھو تھانے کی حدود میں نامعلوم مسلح ڈاکوؤں نے ہوٹل پر بیٹھے 2 پولیس اہلکاروں پر اندھا دھند فائرنگ کر دی، جس کے نتیجے میں وہ شدید زخمی ہوگئے۔

واقعے کی اطلاع ملنے پر پولیس کی بھاری نفری جائے وقوعہ پر پہنچی اور زخمیوں کو اسپتال لے جایا رہا تھا کہ وہ دم توڑ گئے، پولیس نے ضروری کارروائی کے بعد لاشیں ورثا کے حوالے کردیں۔

ڈاکوؤں کی فائرنگ سے شہیدہونے والے اہلکاروں کی شناخت الطاف بروہی اور عبدالقادر کلادی کے نام سے ہوئی، دونوں اہلکار ڈاکوؤں کے خلاف جاری آپریشن کے سلسلے میں کندھ کوٹ ضلع کی تحصیل غوث پور میں تعینات تھے۔
پولیس نے علاقہ کی ناکابندی کرکے ڈاکوؤں کی تلاش شروع کردی ۔