کیپ ٹاؤن ٹیسٹ، جنوبی افریقا کا پاکستان کیخلاف ٹاس جیت پہلے بیٹنگ کا فیصلہ

جنوبی افریقا نے پاکستان کیخلاف دوسرے اور آخری ٹیسٹ میچ میں ٹاس جیت کر پہلے بیٹنگ کرنے کا فیصلہ کرلیا۔

کیپ ٹاؤن میں کھیلے جارہے سیریز کے دوسرے ٹیسٹ میچ میں جنوبی افریقا کے کپتان ٹمبا باوما نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ کوشش ہوگی فتح سمیٹ کر سیریز اپنے نام کریں۔

اس موقع پر قومی ٹیم کے کپتان شان مسعود نے کہا کہ ٹیم میں ایک تبدیلی کی گئی ہے، نسیم شاہ کو آرام دیا گیا ہے جبکہ انکی جگہ میر حمزہ کو پلئینگ الیون کا حصہ بنایا گیا ہے۔

پاکستان کی پلیئنگ الیون میں بابر اعظم، صائم ایوب، کامران غلام، محمد رضوان، سعود شکیل، سلمان علی آغا، عامر جمال، میر حمزہ، خرم شہزاد اور محمد عباس شامل ہیں.

  اس سے قبل جنوبی افریقہ بھی اپنی پلیئنگ الیون کا اعلان کرچکا ہے، جس میں تین تبدیلیاں کی گئی ہیں، ڈی زورزی، کوربن بوش اور ڈین پیٹرسن کی جگہ ویان موڈلر ، کیشو مہاراج اور کوینا مفاکا کو شامل کیا گیا، مفاکا پاکستان کیخلاف میچ میں ٹیسٹ ڈیبیو کریں گے۔

پاکستان اور جنوبی افریقا کے درمیان سیریز کا دوسرا ٹیسٹ کا آغاز  آج پاکستانی وقت کے مطابق 1:30 بجے شروع  ہوگا۔