انگلینڈ سیریز کے لیے پاکستانی کھلاڑیوں کی تیاریاں تیز

تفصیلات کے مطابق آئیسولیشن کے بعد پاکستانی  ٹیم نے بھر پور ٹریننگ شروع کردی ہے کھلاڑی بیٹنگ،بولنگ ، فیلڈنگ اور فزیکل مشقوں میں ان ایکشن ہیں جبکہ گزشتہ روز انگلش کنڈیشنز سے واقفیت کے لیے خصوصی ایکسائر سائز کی گئیں۔

پاکستانی کھلاڑیوں کی آج ڈربی میں ٹریننگ شیڈول ہے شاہین آج بیٹنگ، بولنگ اور فیلڈنگ کی بھر پور پریکٹس کریں گے۔

ون ڈے سیریز سے پہلے دو وارم اپ میچ بھی کھیلے جائیں گے ۔

دوسری طرف ورچوئل پریس کانفرنس کرتے ہوئے پاکستانی کرکٹ ٹیم کے وکٹ کیپر بلے باز محمد رضوان کا کہنا تھا کہ اپنی ٹیم کی خاطر اوپننگ پوزیشن کی قربانی دینے کو تیا ر ہوں ۔

انہوں نے مزید کہا  کہ گزشتہ ٹورز میں پاکستان کی کارکردگی اچھی رہی ۔

قومی بلے باز کا کہنا تھا کہ اس وقت ٹیم کے کپتان بابر اعظم اور فخرزمان سمیت ٹاپ آرڈر فارم میں ہے۔ گزشتہ سیریز میں مڈل آرڈر کے کچھ مسائل تھے اب صہیب مقصود کے ٹیم میں آنے سے وہ دور ہوجائیں گے۔ صہیب مقصود میں یہ صلاحیت ہے کہ وہ کسی بھی نمبر پر بیٹنگ کرسکتے ہیں۔