خطرناک لہروں پر سرفر کی انوکھی سرفنگ،ممکنہ عالمی ریکارڈ کا امکان

امریکا میں 23 سالہ سرفر نے خطرناک لہر پر سرفنگ کرکے ممکنہ عالمی ریکارڈ قائم کردیا۔
غیرملکی خبررساں ادارے کی رپورٹ کے مطابق 23 سالہ الیسنڈرو سلیبیر ہاف مون بے کے ساحل کے قریب سرفنگ کر رہے تھے جب انہیں انتہائی بڑی لہر کا سامنا کرنا پڑا،سلیبیر نے بتایا کہ میں سرف بورڈ پر شاید 30، 40، 50 میل فی گھنٹہ کی رفتار سے جا رہا تھا تو ایک لمبی لہر آئی جو بہت زیادہ پانی جمع کررہی تھی۔
سرفر نے کہا کہ میں سرف بورڈ کے نیچے پانی کی رگڑ تک کو محسوس کر رہا تھا۔ میں نے کبھی بھی کسی دوسری لہر پر ایسا محسوس نہیں کیا جو میں نے اس پر کیا۔
دوسری جانب اگر گنیز ورلڈ ریکارڈز اور ورلڈ سرف لیگ کی طرف سے لہر کی اونچائی کی تصدیق ہو جاتی ہے تو سلیبیر اونچی ترین لہر پر سرف کرنے کا عالمی ریکارڈ حاصل کرلیں گے۔
واضح رہے کہ فی الحال یہ ٹائٹل سیباسٹین اسٹوڈنر کے پاس ہے جنہوں نے 2020 میں پرتگال کے ساحل پر 86 فٹ بلند لہر کا سامنا کیا تھا۔