پشاورمیں میٹرک اور انٹرمیڈیٹ کے امتحانات کی تیاریاں مکمل

جی این این کے مطابق  صوبائی دارالحکومت پشاور میں میٹرک اور انٹر کے امتحانات کے لئے960سنٹرز قائم کیے گئے ہیں ۔ ترجمان پشاور بورڈ کے مطابق امتحانات میں کل 2لاکھ87ہزار432طلباء وطلبات حصہ لے رہے ہیں، میٹرک امتحانات میں1لاکھ70ہزار641طلبہ حصہ لیں گے۔

ترجمان پشاور بورڈ کاکہنا ہے کہ انٹر امتحانات میں 1لاکھ16ہزار791طلبہ حصہ لے رہے ہیں،امتحانی ہالز میں اساتذہ کی ڈیوٹیوں کا شیڈول بھی جاری کردیا گیاہے۔   پشاور میں تمام امتحانات ایس اوپیز کے تحت کرائے جائیں گے۔

خیال رہے کہ بین الصوبائی وزرائے تعلیم کانفرنس میں خطاب کرتے ہوئے وفاقی وزیرتعلیم شفقت محمود کا کہناتھا کہ اس بارصوبوں کا میٹرک اور انٹرمیڈیٹ کے امتحانات لازمی لینے پر اتفاق ہوا ہے جس میں  طلباء کے امتحانات صرف منتخب کیے گئے مضامین کا لینے کا فیصلہ کیاگیا ہے  ۔ نویں  اور دسویں کے صرف چار مضامین کے امتحانات ہوں گے گیارہویں اور بارہویں کے صرف اختیاری مضامین کے امتحانات لئے جائیں گے۔