ڈیرہ اسماعیل خان:کوہ سلیمان کے جنگلات میں خوفناک آگ بھڑک اٹھی

ڈیرہ اسماعیل خان:کوہ سلیمان کے جنگلات میں اچانک آگ بھڑک اٹھی، پہاڑ کے دامن میں چار مختلف مقامات پر آگ لگی ہوئی ہے۔
 ذرائع کے مطابق پہاڑ کے شمال میں گاؤں تجری اور دوسرے پہاڑ کے جنوب المر کلاں میں آگ کے شعلے بلند ہو رہے ہیں، آگ کے شعلے تحصیل ہیڈکوارٹر درہ زندہ میں دیکھے جا سکتے ہیں۔دیکھتے ہی دیکھتے آگ کئی کلومیٹرز تک پھیل چکی ہے۔
مقامی حکام کے مطابق آگ سے زیتون، چلغوزے، نشتر اور گرگورے کے قیمتی درختوں کا نقصان ہو سکتا ہے جبکہ آگ سے جنگل کے چرند و پرند کو بھی نقصان پہنچ رہا ہے۔علاقہ مکینوں کا کہنا ہے کہ درہ زندہ میں ابھی تک آگ بجھانے کے لیے کوئی خاطر خواہ انتظامات نہیں دیکھے جا رہے۔