کپل شرما، راج پال یادو سمیت چار بالی وڈ اداکاروں کو دھمکی آمیز ای میلز موصول

ممبئی:بالی وڈ کے ،مشہور اداکاروں کپل شرما، راج پال یادو، ریمو ڈی سوزا اور سگندھا مشرا کو دھمکی آمیز ای میلز موصول ہوئی ہے ،اداکاروں کو موصول ہونے والی دھمکی آمیز ای میلز کا مقدمہ ممبئی پولیس نے درج کر لیا ہے۔
بھارتی میڈیا کے مطابق ممبئی پولیس کی جانب سے دعویٰ کیا گیا ہے کہکہ دھمکیاں بیرون ملک سے موصول ہوئی ہیں۔
میٖڈیا رپورٹس کے مطابق اداکاروں کی بھیجی گئی ای میلز میں مشہور شخصیات کی حالیہ سرگرمیوں کا ذکر کرتے ہوئے انہیں ایک ”حساس معاملے“ پر توجہ دینے کی ہدایت کی گئی ہے۔
بھیجے گئے پیغام میں کہا گیا، ’یہ نہ تو کوئی پبلسٹی اسٹنٹ ہے اور نہ ہی ہراساں کرنے کی کوشش۔ اس پیغام کو انتہائی سنجیدگی اور رازداری کے ساتھ لیا جائے۔ بصورت دیگر، سنگین نتائج برآمد ہو سکتے ہیں جو آپ کی پیشہ ورانہ اور ذاتی زندگی پر اثر ڈال سکتے ہیں۔‘
ای میل بھیجنے والے نے اختتام پراپنا نام بِشنو لکھا ہوا تھا۔
جبکہ14دسمبر 2024 کو راجپال یادیو کو ایک شخص کی طرف سے ایک ای میل موصول ہوا جو خود کو بشنو کہتا تھا، ای میل میں کپل شرما اور ان کی ٹیم کو قتل کرنے کی دھمکی دی گئی تھی
ممبئی پولیس کی جانب سے بتایا گیا ہے کہ ان  ای میلز میں مزید کہا گیا کہ اگر آٹھ گھنٹوں کے اندر جواب نہ دیا گیا تو ’ضروری کارروائی‘ کی جائے گی۔
پولیس کی جانب سے کی گئی  ابتدائی تحقیقات سے معلوم ہوا کہ ای میلز کا آئی پی ایڈریس پاکستان سے ٹریس ہوا ہے۔ مزید تفتیش جاری ہے تاکہ معاملے کی تہہ تک پہنچا جا سکے۔
واضح رہے کہ چند روز قبل 16 جنوری کو بالی ووڈ اداکار سیف علی خان پر چاقو سے حملہ کیا گیا تھا۔ حملہ آور کا مقصد چوری بتایا گیا تھا۔