اسٹیٹ بینک نے شرح سود میں مزید کمی کا اعلان کر دیا

کراچی:اسٹیٹ بینک نے شرح سود میںمزید کمی کا اعلان کر دیا۔
گورنر اسٹیٹ بینک نے پیر کو نئے سال کی پہلی مانیٹری پالیسی کا اعلان کرتے ہوئے کہا کہ اس فیصلے کا مقصد معیشت میں استحکام لانا اور کاروباری سرگرمیوں کو فروغ دینا ہے۔
گورنر اسٹیٹ بینک جمیل احمد نےکراچی میں پریس کانفرنس کرتےہوئے اعلان کیا کہ شرح سود میں مزید ایک فیصد تک کمی کی جا رہی ہیے۔
گورنر کے اعلان کے بعد شرح سود 13 فیصد سے کم ہو کر12 فیصد ہو گیا۔
پریس کانفرنس کرتے ہوئے انہوںنے کہا کہ ملکی زرمبادلہ کے ذخائر میں اضافہ ہوا ہے اور مہنگائی کی شرح میں بھی نمایاں کمی متوقع ہوئی ہےجو کہ  مئی 2023 میں 38 فیصد تھی جو کم ہوکر 4.1 فیصد رہی، جنوری میں مہنگائی مذید کم ہوگی۔
پریس کانفرنس میں ان کا کہنا تھا کہ معاشی اشاریے مثبت ہے اور مہنگائی میں خاطرخواہ کمی ہوئی ہے ،جبکہ ملکی زرمبادلہ کے ذخائر بڑھ کر19.16ارب ڈالر ہو گئے ہیں،ان کا مزید کہنا تھا کہ معاشی اشاریے بہتر ہونے کے باوجود بھی ہمیں خاطر خواہ چیلنجز سے نمٹنا ہے۔
گورنر اسٹیٹ بینک کا کہنا تھا ورکرز ترسیلات اور برآمدات کے نمبر اچھے ہیں، ،انہوں نے مزید کہا کہ گزشتہ ماہ میں کرنٹ اکاونٹ خسارہ سر پلس میں رہا۔
انہوںنے کہا کہ تاجروں نے حکومت سے مطالبہ کیا ہے کہ شرح سود کو سنگل ڈیجٹ میں لایا جائے تاکہ کاروباری سرگرمیوں کو فروغ مل سکے اور معیشت میں بہتری آئے۔