اداکارہ نادیہ حسین کی ملازمہ کے ساتھ بد سلوکی کی ویڈیو وائرل

تفصیلات کے مطابق اداکارہ نادیہ حسین کی ویڈیو وائرل ہوئی ہے جس میں نظر آرہا ہے کہ اداکارہ کافی غصے میں اوراپنی ملازمہ کو جھڑک اور ڈانٹ  رہی ہیں۔ اداکارہ کی یہ ویڈیوسوشل میڈیا کے مختلف پلیٹ فارم پر شیئر بھی ہورہی ہے اور لوگوں کی جانب سے اداکارہ پر تنقید بھی کی جارہی ہے، بعض لوگوں نے اداکارہ کے رویے پر ناپسندیدگی کا اظہار بھی کیا ہے اور اداکارہ کو تنقید کا نشانہ بھی بنایا ہے ۔

ویڈیو میں اداکارہ نادیہ حسین اپنی ملازمہ کو ڈانڈتے ہوئے کہتی ہیں تم موبائل میں ہی مصروف رہتی ہو کبھی کام بھی کر لیا کرو،آپ نے سوئچ بند نہیں کیا جس کی وجہ سے نقصان ہوگیا ہے اب آپ ہی اس نقصان کا بل ادا کریں گی ۔

جبکہ ابھی تک اداکارہ نادیہ حسین کی طرف سے اس ویڈیو کی کوئی تردید یا تصدیق نہیں کی گئی کہ یہ ویڈیوحقیقت میں اصلی ہےاوراداکارہ کا حقیقت میں اپنے ملازموں کے ساتھ رویہ ایسا ہے یا پھر کسی ڈرامے کی شوٹنگ کے دوران بنائی گئی ہے۔