کوئٹہ ائیرپورٹ روڈ پر کوئٹہ مال کے قریب دھماکہ ، 6 افراد زخمی

تفصیلات کے مطابق کوئٹہ  ائیر پورٹ روڈ پر کوئٹہ مال کے قریب دھماکے سے 6 افراد زخمی ہوگئے ہیں۔ دھماکےسے ایک گاڑی میں آگ لگ گئی ہے ۔ پولیس اور سیکورٹی فورسز نےعلاقے کو گھیرے میں لےلیا    ہے۔

پولیس کے مطابق   دھماکے میں متعدد افراد زخمی ہوئے ہیں  جبکہ زخموں کو سول ہسپتال منتقل کیا جارہا ہے ۔ دھماکے کے بعد سول ہسپتال میں ایمرجنسی نافذ کردی گئی ہے ۔

صوبائی وزیر داخلہ میر ضیاء لانگو نے جائے قوعہ پر میڈیا سے بات چیت کرتے ہوئے کہا ہے کہ   پاک فوج کا ایک قافلہ یہاں سے گزررہا تھا کہ دھماکہ ہوا ، دھماکے کے نتیجے میں پاک فوج کے 6 جوان زخمی ہوئے ہیں  ،  دھماکہ خیز مواد موٹر سائیکل میں نصب کیا گیا تھا  ۔

صوبائی وزیر داخلہ میر ضیاء لانگو نے کہا کہ   دھماکے میں 4 سے 5 کلوگرام دھماکہ خیز مواد استعمال کیا گیا  ، دہشت گردی کے واقعات کے تانے بانے بھارت سے ملتے ہیں  ، بھارت افغانستان کی سرزمین استعمال کرتے ہوئے دہشت گردی کرتا ہے  ،واقعہ میں دہشت گرد شدت پسند مذہبی تنظیم ملوث ہو سکتی ہے  ، صو بے کے امن و امان کو قائم رکھنے کے لئے فورسز قربانیاں دے رہی ہے ۔